ემა რობერტსი
ემა რობერტსი 2016 წლის San Diego Comic-Con-ზე
დაბადების სახელი	ემა როუს რობერტსი
დაბადების თარიღი	10 სექტემბერი, 1991 (1991-09-10) (33 წლის) ნიუ-იორკი
ეროვნება	ამერიკელი
მოქალაქეობა	აშშ
საქმიანობა	მომღერალი, მსახიობი
აქტიური	2001-დღემდე
პარტნიორ(ებ)ი	გარეტ ჰედლანდი
მშობლები	მამა: ერიკ რობერტსი დედა: კელი კანინგჰამი
ნათესავები	ჯულია რობერტსი

ემა როუს რობერტსი (ინგლ. Emma Rose Roberts; დ. 10 სექტემბერი, 1991)^[1] — ამერიკელი მსახიობი და მომღერალი. მისი სამსახიობო დებიუტი შედგა 2001 წლის ფილმში „კოკაინი“ (ინგლ. Blow), რომელშიც ქრისტინა ჯანგის როლი შეასრულა. ამის შემდეგ მან განასახიერა ედი სინგერი Nickelodeon-ის 2004-2007 წლების ტელესერიალში „Unfabulous“. 2005 გამოუშვა თავისი პირველი ალბომი „Unfabulous and More“. ამის შემდეგ რობერტსი გადაიღეს ფილმებში: „აქვამარინი“ (ინგლ. Aquamarine; 2006), „ნენსი დრიუ“ (ინგლ. Nancy Drew; 2007), „ველური ბავშვი“ (ინგლ. Wild Child; 2008), „ძაღლების სასტუმრო“ (ინგლ. Hotel for Dogs; 2009), „ვალენტინობის დღე“ (ინგლ. Valentine's Day; 2010), „ეს ამბავი ძალიან სახალისოა“ (ინგლ. It's Kind of a Funny Story; 2011), „საშინაო დავალება“ (ინგლ. The Art of Getting By; 2011) და სხვა.

ამ მომენტიდან რობერტსი დაინტერესდა ზრდასრული პერსონაჟების შესრულებით და მონაწილეობა მიიღო ისეთ ფილმებში, როგორებიცაა: „დიდებული ცხოვრება“ (ინგლ. Lymelife; 2008), „4.3.2.1“ (2010), „კივილი 4“ (ინგლ. Scream 4; 2011), „ზრდასრული სამყარო“ (ინგლ. Adult World; 2013), „ჩვენ მილერები ვართ“ (ინგლ. We're the Millers; 2013), „პალო ალტო“ ინგლ. Palo Alto; 2013), „თებერვალი“ (ინგლ. The Blackcoat's Daughter; 2015), „ნერვი“ (ინგლ. Nerve; 2016), „ვინ ვართ ჩვენ ახლა“ (ინგლ. Who We Are Now; 2017), „სამოთხის გორაკები“ (ინგლ. Paradise Hills; 2019) და „დღესასწაული“ (ინგლ. Holidate; 2020). რობერტსმა დიდი აღიარება მოიპოვა საშინელებათა ჟანრის ტელესერიალით „ამერიკულ საშინელებათა ისტორია“ (ინგლ. American Horror Story; 2013-დღემდე). ასევე მან მთავარი როლი შეასრულა კომედიურ-საშინელებათა სერიალში „კივილის დედოფლები“, (ინგლ. Scream Queens; 2015-2016 წწ).

ემა როუს რობერტსი 1991 წლის 10 სექტემბერს, ნიუ-იორკის შტატის ერთ-ერთ სოფელში დაიბადა.^[2] არის მსახიობ ერიკ რობერტსისა და კელი კანინგჰამის ქალიშვილი.^[3] ემას მშობლები მაშინ განქორწინდნენ, როდესაც ემა ახალშობილი იყო, იგი დედამისთან იზრდებოდა. ჰყავს ნახევარ და-ძმები, მამამისის ქორწინებიდან ელზა რობერტსი, დევიდ რეიფალი და ლილა გარეტი, ხოლო დედის ქორწინებიდან, ორი ნახევარ-და, გრეისი და კელი ნიკელსი,^[4] ნიკელსი მომღერალია. ემას დეიდები-ჯულია და ლიზა რობერტსი ასევე მსახიობები არიან. ემა, ბავშვობაში ხშირად უყურებდა ფილმებს, რომელშიც დეიდა-ჯულია რობერტსი მონაწილეობდა, სწორედ დეიდა და მამა-ერიკი გახდა ემასთვის შთაგონების წყარო, რომ მამასა და დეიდას კინოინდუსტრიას გაჰყოლოდა. დედამის კელის, სურდა რომ ემას ნორმალური ბავშვობა ჰქონოდა.^[5]

2005 წელს რობერტსმა მისი პირველი ალბომი შექმნა, სახელით „Unfabulous And More“, ალბომი, ამავე წლის 27 სექტემბერს გამოვიდა, ეს ალბომი სატელევიზიო სერიების „Unfabulous“-ის საუნდთრეკიც იყო.^[6] 2005 წლის სექტემბერში, ალბომის ორი სინგლი გამოვიდა: „I Wanna Be“ და „Dummy“. ორივე მათგანი შემდეგ მუსიკალურ ვიდეოდ გამოაქვეყნეს. ემამ ფილმ „აქვამარინის“ საუნდთრეკიც ჩაწერა, სწორედ ამ ფილმში მონაწილეობდა ემა, მთავარი როლით.

2007 წლის ინტერვიუზე ემამ თქვა: „სწორედ ახლა, მე ვკონცენტრირდები ფილმებზე, მე ვემზადები რომ მონაწილეობა მივიღო ახალ ფილმებში, ამ ზაფხულს, რომელზედაც, ჩემს ბევრ დროს ვხარჯავ“.^[7]

2011 წლის სექტემბერში, მან სწავლა „სარა ლოვრენცის კოლეჯში“ დაიწყო, თუმცა მალევე შეწყვიტა, რადგან მას სურდა ყურადღება სამსახურზე გაემახვილებინა.^[8]

2012 წელს მან ურთიერთობა მსახიობ ივან პიტერსთან დაიწყო, მას შემდეგ, რაც მათ, ფილმ „ზრდასრულ სამყაროში“ ერთად მოუხდათ მუშაობა.^[9] 2019 წლის მარტში ისინი დაშორდნენ.^[10]

რობერტი ახლა ურთიერთობაშია, ამერიკელ მსახიობთან, გარეტ ჰედლანდთან.^[11] 2020 წლის ივნისში გავრცელებული ინფორმაციით, წყვილი პირველ შვილს ელოდება.^[12]

• ემა რობერტსი