ეთერ ჭელიძე (დ. 21 მარტი, 1938, თბილისი — გ. 13 ნოემბერი, 1987) — ქართველი კომპოზიტორი და მომღერალი.
ბიოგრაფია
დაიბადა 1938 წლის 21 მარტს, ქალაქ თბილისში. დაამთავრა თბილისის მუსიკალური სასწავლებელი (საფორტეპიანო), ხოლო 1962 წელს ვანო სარაჯიშვილის სახელობის თბილისის სახელმწიფო კონსერვატორია (საფორტეპიანო).
1962-1987 წლებში იყო საქართველოს სახელმწიფო ფილარმონიის სოლისტი. არის 200-მდე სიმღერის ავტორი, თანადამფუძნებელი კონცერტების „მღერიან ექიმები“, „მღერიან ჟურნალისტები“; თხზულებები: საბავშვო მიუზიკლი „დღეს“.
სიმღერები
- „თბილისის ქუჩები“
- „ჭაღარა თბილისო“
- „ლურჯი აპრილი“
- „ვენაცვალე მაგ შენს თვალებს“
- „მდინარე ხიდის ქვეშ“
- „იას სინაზე მოვსტაცე“
- „მჯეროდა შენ დაგიტოვებ“
- „მცხეთა“
- „მაღლა, მაღლა“
- „ქართულო მიწაო“
- „მე მაინც მოვალ“
- „ყველაფერი სიყვარულს“
- „თევზები“ (სატელევიზიო ფონდში ოქროს ნოტებით ჩაიწერა)
- „წყარო“
- „სიყვარულო, რა ხარო“
ჯილდოები
- 1966 — ბერლინის სატელევიზიო კონკურსი „წლის საუკეთესო სიმღერა“
- იუნესკოს პრემია სიმღერა „ლურჯი აპრილის“ შექმნისთვის
- საქართველოს დამსახურებული არტისტი
ლიტერატურა
- ქართული მუსიკის ენციკლოპედიური ლექსიკონი, გვ. 566, თბ., 2015.
რესურსები ინტერნეტში
