გარდაცვლილთა დღე (ესპ.Día de Muertos) — მხიარული დღესასწაული მექსიკაში, რომელიც ყოველი წლის 2 ნოემბერს იმართება. მთელ მექსიკაში, მაღაზიები შაქრისა და პურისაგან დამზადებულ ჩონჩხებსა და თავის ქალებს ჰყიდიან. ჩონჩხებად გადაცმული მექსიკელები დიდ საცეკვაო მსვლელობებს აწყობენ. სახლებში ამზადებენ პატარა საკურთხევლებს, რომელთა წინაშეც ლოცულობენ და გარდაცვლილ მეგობრებსა და ნათესავებს იხსენებენ. საკურთხევლებს ყვავილებით, სანთლებითა და გარდაცვლილთა ფოტოსურათებით რთავენ.
