არ უნდა აგვერიოს შემდეგ მნიშვნელობა(ებ)ში: პასექი.

აღდგომა
ქრისტეს აღდგომა, ანდრია რუბლიოვის 1408—1410 წ.წ. დაწერილი ხატი.
2023 წელს	9 აპრილი (დასავლური ტრადიციით) 16 აპრილი (აღმოსავლური ტრადიციით)
2024 წელს	31 მარტი (დასავლური ტრადიციით) 5 მაისი (აღმოსავლური ტრადიციით)

ბრწყინვალე აღდგომა უფლისა ჩვენისა იესო ქრისტესი ან უბარალოდ აღდგომა — უძველესი და უდიდესი ქრისტიანული დღესასწაული. აღდგომას უძღვის 40-დღიანი მარხვა, საეკლესიო სამზადისი, აღსარება და ზიარება, ვნების კვირა. ქრისტიანთათვის ესაა ზეიმთა ზეიმი, აღმნიშვნელი მესიის მოვლინებისა, რაზედაც მოსეს ხალხი ეგვიპტის მონობიდან თავის დაღწევის შემდეგ ოცნებობდა, რასაც ბიბლიური წინასწარმეტყველნი ქადაგებდნენ და რაც სინედრიონის ნებით ჯვარცმული ქრისტეს სახით განხორციელდა.

თავდაპირველად მხოლოდ ვნების დღეებს ზეიმობდნენ. მხოლოდ IV საუკუნეში მიეცა აღდგომის დღესასწაულს თანამედროვე სახე. ნიკეის პირველმა მსოფლიო საეკლესიო კრებამ 325 წელს დაადგინა ზეიმის აღნიშვნა გაზაფხულის ბუნიობის მომდევნო კვირას, იუდეველთა პასექის დასასრულს, უთუოდ მისგან განცალკევებით და კვირის ბოლოს. ეს შუალედი ხვდება ახალი სტილით 4 აპრილიდან 8 მაისამდე. შესაბამისად, აღდგომა მოძრავი დღესასწაულების კატეგორიას განეკუთვნება.

ქართული საბჭოთა ენციკლოპედიის თანახმად, აღდგომის ზეიმი, უძველეს მესაქონლეთა და შემდეგ მიწათმოქმედთა საგაზაფხულო, საყოველთაო განახლების დღესასწაულია, რომელიც უშორესი ძირებით წარმართულ რელიგიებს უნდა უკავშირდებოდეს, სადაც ის ბუნების კვდომას და აღდგომას განასახიერებს.

ქართულ მართლმადიდებლურ საეკლესიო ლიტერატურაში აღდგომის დღესასწაულის აღსანიშნავად გამოიყენება ტერმინი „აღვსება“. იგი ორიგინალური ძველი ქართული ტერმინია და, უპირატესად, პასქალიონში გამოიყენება. სიტყვა აღვსება ებრაულიდან მომდინარე ტერმინ პასექის ზედმიწევნითი შესატყვისია და ბერძნულ პასხას და სომხურ ზატიკს შეესაბამება. „უძველეს იადგარში“ აღვსება აღდგომის საგალობლებში გვხვდება, რაც კიდევ ერთხელ მოწმობს, მისი როგორც ტერმინის სიძველეს.

ძირითადად ტერმინი აღვსება ჰომილეტიკურ და ჰიმნოგრაფიულ ძეგლებში გამოიყენება. თუმცა, როგორც აღმოჩნდა, აქ მას ორგვარი მნიშვნელობა აქვს და ყოველთვის აღდგომის დღესასწაულით არ გაიგივება. ამის შესახებ საინტერესო განმარტებას ვხვდებით ე. ჭელიძის კომენტარში, რომელიც მას დართული აქვს „წმინდა მოწამე შუშანიკის მარტვილობის“ერთი კონკრეტული ადგილის განმარტებისას. კერძოდ, ჰაგიოგრეფიულ ტექსტში ნათქვამია, რომ ვარსქენმა შუშანიკი გვემა აღვსების ორშაბათს: „მეორედ გუემაჲ მისი შემდგომად აღვსებისა ზატიკისა, დღესა ორშაბათსა“. ე. ჭელიძე აღნიშნავს, რომ ტერმინი „აღვსება“ ორმნიშვნელოვანია: 1) „იგი, ერთი მხრივ, აღნიშნავს ციკლს, დღეების გარკვეულ მონაკვეთს, ჩვეულებრივ შვიდეულს (ზოგჯერ შვიდეულებს), ამ აზრით, ტერმინი აღვსება იმიჯნება აღდგომისაგან. 2) მეორე მხრივ, აღნიშნავს ხსენებული ციკლის (ჩვეულებრივ , შვიდეულის) დამაგვირგვინებელ კონკრეტულ დღეს, კვირიაკეს, კვირა დღეს, როდესაც აღდგა უფალი. ამ შინაარსით აღვსება და აღდგომა იდენტურია“. ე. ჭელიძის აზრით შუშანიკის წამებაში მოხსენიებული აღვსების ორშაბათი შეიძლება გაგებულ იქნეს, როგორც ვნების შვიდეულის ორშაბათად, ისე აღდგომის შემდეგ ბრწყინვალე შვიდეულის ორშაბათად.

ტერმინ „აღვსების“ შინაარსობრივი განმარტება კ. კეკელიძის აზრით დაკავშირებული უნდა იყოს დიდიმარხვის დასრულებასთან. მეცნიერის თქმით: „აღდგომით სრულდება, აღივსება პერიოდი 49 დღის მარხვა-სინანულისა, რომელიც მას წინ უძღვის“.

კ. კეკელიძე თავის შეხედულებას სხვა მოსაზრებითაც ამყარებს: „ძველ ქართულ ჰეორტოლოგიურ წელიწადში, რომელიც ცხრა პერიოდად იყოფოდა, 4-9 პერიოდი შეიცავდა თითოეული შვიდ კვირას ან 49 დღეს. შვიდკვირეულ პერიოდებად დაყოფა საეკლესიო წელიწადისა არის უძველესი აღმოსავლური პრაქტიკა, რომლის კვალი დარჩენილია სირიის ქრისტიანთა, ნესტორიანთა და იაკობიტთა შორისაც, ტერმინი „აღვსება“ იხმარებოდა ხოლმე ამ ქრისტეანეთა მიერაც, იმით აღინიშნებოდა, არამარტო დიდმარხვის, არამედ სხვა პერიოდის უკანასკნელი შვიდეულიც. მაგალითად: „პარასკევი მოციქულთა შვიდეულის აღვსებისა“, „კვირა მოციქულთა შვიდეულის აღვსებისა“. მეექვსე პერიოდი ხსენებული ჰეორტოლოგიური წელიწადის მარტვილიიდან, ანუ სული წმინდის გადმოსვლის დღესასწაულიდან იწყებოდა და გრძელდებოდა 29 ივნისამდე, პეტრე-პავლობამდე. ამიტომ ამ შვიდეულს ეწოდებოდა „მოციქულთა შვიდეული“, რომელსაც თავისი „აღვსება“ ჰქონდა. კ. კეკელიძე ამ მოსაზრებას ამყარებდა გიორგი მთაწმინდელის ცხოვრების ერთი მონაკვეთით, სადაც 1065 წლის 29 ივნისი მოხსენიებულია როგორც „აღვსება“ — ნუგეშინის-ეცით ძმათა, რამეთუ დღეს აღვსებაჲ არს“. კ. კეკელიძის აზრით 29 ივნისი, პეტრე-პავლობის დღესასწაული არის „აღვსება“ მოციქულთა მარხვის შვიდეულისა.

ა. შანიძის ვერსიით ტერმინი „აღვსება“ შეიძლება დაკავშირებული იყოს გაზაფხულის ბუნიობის მომდევნო სავსემთვარეობასთან, რომლის შემდეგი კვირადღე წარმოადგენს აღდგომის დღესასწაულს. მისი აზრით, „ის გარემოება, რომ პასექი ძველ ქართულად იწოდებოდა აღვსებად, მოწმობს იმის შესახებ, რომ მისი დღესასწაულობა შესაძლებელია დაკავშირებული იყო გაზაფხულის სავსემთვარეობის შემდგომ პირველ კვირასთან“. ამავე მოსაზრებას გამოთქვამს ე. ჭელიძეც და ტერმინ აღვსების სათავედ ებრაული პასექის აღსრულების ჟამს მიიჩნევს: „უეჭველია, რომ ქართული „აღვსება“ უნდა შექმნილიყო, როგორც პასექის დრესასწაულის აღმნიშვნელი ტერმინი, გამომდინარე პასექის აუცილებელი პირობიდან, სავსემთვარეობიდან. როგორც ცნობილია, პასექის დღესასწაული აუცილებლად იმართებოდა სავსემთვარეობას, რაც ძველ ქართულად სწორედ „აღვსებად“ ითქმის“. ა. შანიძის ამ მოსაზრებას არ იზიარებდა კ. კეკელიძე^[1].

მთავარი სტატია: პასქალია.

მართლმადიდებლური აღდგომის თარიღი მოძრავია. იგი მიიღო ნიკეის მსოფლიო საეკლესიო კრებამ, რომელზეც დადგინდა, რომ აღდგომა უნდა იდღესასწაულებოდეს ერთდროულად ყველა ეკლესიაში, ე. ი. პირველი კვირადღეს სავსე მთვარიდან გაზაფხულის ბუნიობის შემდეგ. იმ შემთხვევაში, თუ აღნიშნული დღე დაემთხვევა ებრაელთა პასექს, მაშინ უნდა აღინიშნოს შემდეგ კვირა-დღეს.

ცნობილი გერმანელი მათემატიკოსის კარლ ფრიდრიხ გაუსის მიერ გამოყვანილ იქნა ფორმულები, რომელთა მიხედვითაც ქრისტიანული პასექის დღე (ძვ. სტილით) შემდეგნაირად განისაზღვრება:

კალენდარული წლის რიგითი ნომერი ${\displaystyle (N)}$ უნდა გაიყოს ${\displaystyle 19}$-ზე, ${\displaystyle 4}$-ზე და ${\displaystyle 7}$-ზე, ხოლო გაყოფის შედეგად მიღებული ნაშთები კი შესაბამისად ${\displaystyle a}$,${\displaystyle b}$ და ${\displaystyle c}$-თი ავღნიშნოთ. შემდეგ სიდიდე ${\displaystyle 19a+15}$ უნდა გაიყოს ${\displaystyle 30}$-ზე, ნაშთი ავღნიშნოთ ${\displaystyle d}$-თი, რის შედეგადაც გამოსახულება ${\displaystyle 2b+4c+6d+6}$ უნდა გაიყოს ${\displaystyle 7}$-ზე, ნაშთი კი ავღნიშნოთ ${\displaystyle e}$-თი. საბოლოოდ მივიღებთ, რომ აღდგომის დღე 1) თუ ${\displaystyle d+e<10}$, მაშინ აღდგომა მარტის თვეში იქნება და ${\displaystyle A=22+(d+e)}$ ან 2) თუ ${\displaystyle d+e>10}$, მაშინ აღდგომა აპრილის თვეში იქნება და ${\displaystyle A=(d+e)-9}$.

მაგალითისათვის 2015 წლის აღდგომის თარიღი ასე გამოითვლება:

${\displaystyle 2015/19=106}$ მთელი ${\displaystyle 1/19}$ ანუ ${\displaystyle a=1}$

${\displaystyle 2015/4=503}$ მთელი ${\displaystyle 3/4}$ ანუ ${\displaystyle b=3}$

${\displaystyle 2015/7=287}$ მთელი ${\displaystyle 6/7}$ ანუ ${\displaystyle c=6}$

${\displaystyle d=(19*a+15)/30=(19*1+15)/30=1}$ მთელი ${\displaystyle 4/30}$ ანუ ${\displaystyle d=4}$

${\displaystyle e=(2b+4c+6d+6)/7=(2*3+4*6+6*4+6)/7=8}$ მთელი ${\displaystyle 4/7}$ ანუ ${\displaystyle e=4}$

${\displaystyle d+e=4+4=8<10}$ აღდგომა იქნება მარტის თვეში.

${\displaystyle A=22+(d+e)=22+8=30}$

ე. ი. 2015 წელს აღდგომა დღე მოუწევს 30 მარტს (ძვ. სტილით).

ზემოთ მოყვანილი ფორმულების გათვალისწინებით შესაძლებელია Microsoft Excel-ის სივრცეში შეიქმნას აღდგომის ძვ. სტ. დაანგარიშების ფორმულა ნებისმიერი თარიღისათვის, რომლებიც გამოიყურება შემდეგნაირად:

=DATE(A1,IF(MOD((2*MOD(A1,4)+4*MOD(A1,7)+6*MOD((19*MOD(A1,19)+15),30)+6),7)+MOD((19*MOD(A1,19)+15),30)<10,3,4),IF(MOD((2*MOD(A1,4)+4*MOD(A1,7)+6*MOD((19*MOD(A1,19)+15),30)+6),7)+MOD((19*MOD(A1,19)+15),30)<10,22+MOD((2*MOD(A1,4)+4*MOD(A1,7)+6*MOD((19*MOD(A1,19)+15),30)+6),7)+MOD((19*MOD(A1,19)+15),30), MOD((2*MOD(A1,4)+4*MOD(A1,7)+6*MOD((19*MOD(A1,19)+15),30)+6),7)+MOD((19*MOD(A1,19)+15),30)-9))

სადაც: A1 — საძიებელი წელია.

შენიშვნა: ცხრილით მიღებული თარიღები შეესაბამება ძვ. სტილს.

აღდგომის დაანგარიშება „მარადიული ცხრილითაც“ შეიძლება.

ამ ცხრილით სარგებლობისას მოცემული კალენდარული წლის ნომერი (N) უნდა გაიყოს 28-ზე და 19-ზე. მიღებული ნაშთები უნდა მოვიძიოთ შესაბამისად ჰორიზონდალურ და ვერტიკალურ ველებში.

2015/28=71 მთელი 27/28 ანუ ჰორიზონტალურ ველში 28-ის განაყოფის ნაშთებში უნდა მოვძებნოთ რიცხვი 27.

2015/19=106 მთელი 1/19 ანუ ვერტიკალურ ველში 19-ის განაყოფის ნაშთებში უნდა მოვძებნოთ რიცხვი 1.

აღნიშნული ციფრები „27“ და „1“, ცხრილში იკვეთება 30 მარტის (ძვ. სტილით) ადგილას, რაც შეესაბამება ზევით გამოთვლებს.

• სოხაძე ა., ქართული საბჭოთა ენციკლოპედია, ტ. 2, თბ., 1977. — გვ. 48.

• თვარაძე რ., ქართული საბჭოთა ენციკლოპედია, ტ. 1, თბ., 1975. — გვ. 261.

	აღდგომა ვიქსიკონში
	აღდგომა ვიკისაწყობში

• ქრისტეს აღდგომა (საბავშვო) დაარქივებული 2011-05-04 საიტზე Wayback Machine. ;
• წმინდა იოანე დამასკელი აღდგომის შესახებ;
• „მოველი აღდგომასა მკვდრეთით“ - გაზეთი „საპატრიარქოს უწყებანის დამატება ბავშვებისათვის“ დაარქივებული 2008-03-27 საიტზე Wayback Machine. ;
• რატომ არის აღდგომა და მასთან მიმართებაში მყოფი დღესასწაულები მოძრავი? www.tveni.ge;
• გამოთვალე აღდგომის თარიღი მოცემული წლისთვის დაარქივებული 2016-03-05 საიტზე Wayback Machine.

ეს სტატია რელიგიის შესახებ ჯერჯერობით ესკიზია. თქვენ შეგიძლიათ დაგვეხმაროთ მის შევსებაში.

ხ • გ • რ იესო ქრისტეს ცხოვრება მოვლენები ხარება ქრისტეს შობა მირქმა ნათლისღება ფერისცვალება იესოს ლოცვა გეთსიმანიის ბაღში ჯვარცმა აღდგომა ამაღლება სულთმოფენობა რელიკვია ლახვარი ეკლის გვირგვინი ქრისტეს სუდარა ქრისტეს სამსჭვალი უფლის კვართი ცხოველსმყოფელი ჯვარი წმინდა გრაალი INRI უფლის მოსასხამი ქრისტეს სისხლი წმინდანები ღვთისმშობელი იოანე ნათლისმცემელი იოსებ დამწინდველის შვილები იაკობი ძმა უფლისა იოსტოსი სვიმონ კანანელი იუდა იაკობისი სვიმეონ ღვთისმიმრქმელი 12 მოციქული ანდრია პირველწოდებული პეტრე მოციქული იაკობ ზებედესი იაკობ ალფესი ფილიპე მოციქული ბართლომე მოციქული თომა მოციქული სვიმონ კანანელი მათე მახარებელი იოანე ღვთისმეტყველი მატათა მოციქული იუდა იაკობისი იუდა ისკარიოტელი 70 მოციქული იაკობი მარკოზ მახარებელი ლუკა მახარებელი კლეოპა სვიმეონი ბარნაბა იოსტოსი თადეოზი ანანია სტეფანე პირველმოწამე ფილიპე პროხორე ნიკანორი ტიმონი პარმენი ტიმოთე ტიტე ფილიმონ ონისიმე ეპაფრასი არქიფო სილა სილოვანე კრისკენტი კრისპე ეპენტი ანდრონიკე სტაქო ამპლი ურბანი ნარკისი აპელი არისტობულე იროდიონი აგაბო როფე ასინკრიტე ფლეგონტი ერმი პატროვი ერმე ლინუსი გაიოზი ფილოლოგი ლუკი იასონი სოსიპატრე ოლიმპი ტერტი ერასტი კვარტი ევოდი ონისიფორე კლიმენტი სოსთენი აპოლო ტვიქიკე ეპაფროდიტე კარპეზი კოდრატე მარკ–იოანე ზინა არისტარქოსი პუდი ტროფიმე მარკოზი არტემი აკვილა ფორტუნატე აქაიკი დიონისე არეოპაგელი სვიმეონ ნიგერი სხვა მოციქულები პავლე მოციქული მარიამ მაგდალინელი სხვა პიროვნებები პონციუს პილატე