ალექსანდერ სკარშგორდი
2016 წელს
დაბადების სახელი	ალექსანდერ იუჰან იალმარ სკარშგორდი
დაბადების თარიღი	8 იანვარი, 1976 (1976-25-08) (48 წლის) სტოკჰოლმი, შვედეთი
საქმიანობა	მსახიობი, მოდელი
აქტიური	მსახიობი 1984-დღემდე

ალექსანდერ იუჰან იალმარ სკარშგორდი (შვედ.: Alexander Johan Hjalmar Skarsgård; დ. 25 აგვისტო, 1976, სტოკჰოლმი, შვედეთი) — შვედი მსახიობი. სახელი გაითქვა როლებით შემდეგ ფილმებში მკვლელების თაობა (2008 წ.) — მინისერიალი, ნამდვილი სისხლი — სატელევიზიო სერიალი (2008–2014 წწ.), Big Little Lies (2017–2019 წწ.). ისეთ ფილმებში შესრულებული როლებისთვის, როგორებიცაა Melancholia (2011 წ.), ლეგენდა ტარზანზე (2016 წ.) და ომის შედეგები (2019 წ.) წარდგენილი იყო ემის, ოქროს გლობუსისა და კინომსახიობთა გილდიის ჯილდოს ნომინაციებზე.

ალექსანდერ სკარშგორდი 1976 წლის 25 აგვისტოს სტოკჰოლმში დაიბადა. დედამისი, მიუ გიუნთერი ექიმია, მამა, სტელან სკარშგორდი კი — მსახიობი. ალექსანდერ სკარშგორდს ოთხი ღვიძლი ძმა ჰყავს — გუსტაფი (დ. 1980), ბილი (დ. 1990), ასევე მსახიობები, სემი (დ. 1982), ვალტერი (დ. 1995), და ერთი და ელია (დ. 1992), ამას გარდა, ორი ნახევარძმა — ოსიანი (დ. 2009) და კოლბეინი (დ. 2012).

ფილმებში მონაწილეობა საკმაოდ ადრეულ, 8 წლის ასაკში დაიწყო. პირველად ფილმში ოკე და მისი სამყარო გადაიღეს. 1989 წელს სამსახიობო კარიერაზე უარი თქვა და სტოკჰოლმში არქიტექტურის შესწავლა გადაწყვიტა.

წლების შემდეგ სკარშგორდი პოლიტოლოგიით დაინტერესდა. 19 წლისა შვედეთის სამხედრო-საზღვაო ძალებში ჩაეწერა სამხედრო სავალდებულო სამსახურის გასავლელად, სადაც სტოკჰოლმის არქიპელაგში, ბერგის სამხედრო ბაზაზე (შვედ. Berga örlogsskolor) 14 თვე ანტიტერორისტულ და ანტიდივერსიულ დანაყოფში მსახურობდა.

სამხედრო სამსახურის გავლისას ალექსანდერმა გადაწყვიტა, სამსახიობო საქმიანობას დაბრუნებოდა. 1996 წელს დიდ ბრიტანეთში, ქალაქ ლიდსში გაემგზავრა, სადაც უნივერსიტეტში ინგლისური ენის დაუფლება დაიწყო.

1997 წელს გადავიდა აშშ-ში და კოლეჯ „მერიმაუნთ მანჰეთენში“ სამსახიობო ხელოვნების დახვეწას მიჰყო ხელი, თუმცა მალევე დაბრუნდა სამშობლოში. 2011 წლის 20 ივლისს ლიდსის უნივერსიტეტში დაასრულა სწავლა და ხელოვნების დოქტორის ხარისხი მიიღო.

ვიკისაწყობში არის გვერდი თემაზე:

ალექსანდერ სკარშგორდი

• ალექსანდერ სკარშგორდი კინოფილმების ინტერნეტ-მონაცემთა ბაზაში
• ალექსანდერ სკარშგორდი — შვედური ფილმების მონაცემთა ბაზა