Universitas iki wis maabad-abad dadi papan wigati tumrap ngèlmu kawruh lan pasinaonan, diwakili déning jeneng-jeneng kaya Linnaeus, Celsius, lan Ångström, lan sabanjuré déning sawatara peraih Bebungah Nobel sajeroning babagan ngèlmu alam - kaya déné Svante August Arrhenius. Saliyané iku, Uppsala duwé prabawa gedhé tumrap idhèntitas nasional lan budaya Swèdhen liwat tokoh kaya déné August Strindberg.
Ana sangang fakultas ing Universitas Uppsala. Ana watara 40.000 mahasiswa kang pinuju nempuh studi sarjana utawa program profésional, lan watara 2.400 mahasiswa program dhoktor. Ana 3.800 tenaga pengajar saka gunggung 6.000 punggawa.
Organisasi
Universitas Uppsala duwé sangang fakultas kang diklompokaké sajeroning telung babagan ngèlmu kang saben babagan dibawahi siji wakil rektor. Babagan èlmu kang ana ing Uppsala ya iku:
Babagan ngèlmu humaniora lan ngèlmu sosial
Fakultas teologi
Fakultas hukum
Fakultas sajarah lan filsafat
Fakultas ngèlmu basa
Fakultas ngèlmu sosial
Babagan ngèlmu kadhokteran lan farmasi
Fakultas kadhokteran
Fakultas farmasi
Babagan ngèlmu teknik lan kawruh alam
Fakultas teknik dan ngèlmu kawruh alam
Saliyané iku, ana uga fakultas ngèlmu pendidikan kang ora dilebokaké sajeroning katelu babagan èlmu mau.
Saben fakultas dumadi saka institusi utawa departemen kanthi gunggung kang béda-béda. Fakultas teologi lan fakultas hukum mung duwé siji institusi, déné fakultas teknik lan ngèlmu kawruh alam duwé akèh institusi kang diklompokaké sajeroning sawatara pérangan utawa seksi.
