Dr Tony Tan Keng Yam (Hanzi: 陈庆炎博士; Pinyin: Chén Qíngyán; basa Hokkien: Tân Khèng-iām; lair ing Singapura, 7 Fèbruari 1940; umur 84 taun) ya iku Présidhèn Singapura kang njabat ana ing wektu saiki.[1][2][3] Sadurungé dhèwèké dadi mantan Wakil Mahamantri lan Mantri Koordinasi Pertahanan lan Keamanan Singapura.[1][3] Tan njabat dadi Mantri keuangan saka 24 Oktober 1983 nganti tekan 1 Januari 1985, lan dadi Mantri Pendidikan saka Januari 1985 nganti tekan Dhésèmber 1991, daid Mantri Keséhatan wiwit saka 2 Januari 1985 lan 6 Mèi 1985 lan Mantri Perdagangan lan Perindustrian antarané 7 Mèi 1985 nganti tekan 17 Fèbruari 1986.[1][3] Nalika sasi Dhésèmber 1991, Dr Tan mundur saka kabinèt kanggo bali manèh ana ing sektor swasta dadi Ketua lan CEO Overseas-Chinese Banking Corporation.[1] Nanging dhèwèké tetep dadi anggota parlemen kanggo Sembawang Group Representation Constituency.[1][2] Dr Tan gabung manèh karo kabinèt nalika tanggal 1 Agustus 1995 lan dhèwèké diangkat dadi Wakil Mahamantri lan Mantri Pertahanan.[2] nalika sasi Agustus 2003, Dr Tan diangkat dadi Wakil Mahamantri lan Mantri Koordinasi Pertahanan lan Keamanan.[2] Tan kacathet duwé cathetan nalika usahane kanggo mbantu sapérangan panggon kaya Banda Acèh lan Phuket, kang rusak parah amarga kana tsunami, khususé ana ing babagan rekonstruksi prasarana kutha, lan sumbangan kanggo kurban tsunami.[2][3] Dr Tony Tan nikah karo Mary Chee Bee Kiang. Kekarone banjur kanugraha anak papat, 3 putra lan 1 putri.[2] Dr Tony Tan mandheg dadi Wakil Mahamantri nalika 1 September 2005 lan Wong Kan Seng, Mantri Dalam Negeri Singapura, kang nganteni dhèwèké dadi Wakil Mahamantri Singapura.[2] Sawisé mundur saka kabinèt, Tan dadi ketua National Research Foundation lan uga dadi Wakil Ketua Research, Innovation and Enterprise Council.[3] Dhèwèké uga aktif ana ing Dewan Government of Singapore Investment Corporation (GIC), lan Singapore Press Holdings Limited (SPH).[2]
Cathetan suku
