Thomas Owen Beidelman

Thomas Owen Beidelman (utawa T.O. Beidelman) ya iku ahli antropologi saka Amérikah Sarékat, kang lair taun 1931[1][2]. Beidelman kuliah sarjana (BA) ing Universitas Illinois taun 1953, pasca sarjana (MA) ing pawiyatan kang padha taun 1956. Sabanjuré kuliah dhoktor ing Universitas Oxford (D.Phil.) taun 1961. Beidelman duwé pangalaman panlitian lapangan antropologi ing wewengkon Kaguru, Ngulu, lan Baraguyo ing Tanzania (1957-1976)[1][3][4]. Karya-karya tulisané Beidelman kang wis diterbitké kaya ta W.Robertson Smith and the Sociological Study of Religion (1974), Colonial Evangelism: A Socio-Historic Study of an East African Mission at the Grassroots (1982), Moral Imagination in Kaguru Modes of Thought (1986), lan The Cool Knife: Metaphors of Gender, Sexuality and Moral Education in Kaguru Initiation Ritual (1997)[1][2]. Beidelman iki kawentar duwé pisumbangan kang lumayan akèh. Utamané iku ngenani bab tèori strukturalis antropologi. Pakaryan Beidelman nganggo pangujian katégori simbolis asli (native), idèologi moral, lan nilai. Uga nyambungké langsung ing tèori sosial klasik saka Mauss, Hertz, Simmel, lan Durkheim tinimbang abstraksi panemu strukturalis Levi-Strauss[1][4].

Rujukan

  1. ↑ a b c d Amit, Vered (2004). Biographical dictionary of social and cultural anthropology. London: Routledge. kc. 61. ISBN 020364459X. OCLC 436848672.
  2. ↑ a b "Thomas O. Beidelman". Institute of African Studies Columbia University. Dibukak ing 2017-11-20.[pranala mati permanèn]
  3. ↑ "Thomas Beidelman". New York University. Dibukak ing 2017-11-20.
  4. ↑ a b "Agonistic Exchange: Homeric Reciprocity and the Heritage of Simmel and Mauss". Cultural Anthropology. Diarsip saka sing asli ing 2017-12-13. Dibukak ing 2017-11-20.