Thomas J. Csordas

Thomas J. Csordas ya iku ahli antropologi saka Youngstown, Ohio, Amérikah Sarékat, kalairan taun 1952[1]. Pandhidhikané ana ing pawiyatan luhur olèh saka Ohio State University (BA) taun 1974 lan sabanjuré ing Duke University (Ph.D.) taun 1980[1][2]. Thomas naté nglakoni panlitian antropologis ing Arizona, Massachusetts, Michigan, New Mexico, Carolina lor awit taun 1973 nganti 2003[1][2]. Saka panlitiané kuwi, dhèwèké nulis karya-karya akademis ya iku antarané The Sacred Self: A Cultural Phenomenology of Charismatic Healing taun 1994 lan Language, Charisma and Creativity: The Ritual Life of a Religious Movement tuan 1997[1][3]. Ing saban pakaryan lan panlitiané, Thomas iki karenan ing werna-werna subjék panlitian, kalebu ing téori antropologi, tetadhingan agama, kedhokteran, antropologi psikologi, fénoménologi budhaya lan globalisasi[3]. Ing bab antropologi psikologi, dhèwèké naté olèh pangaji the Stirling Award for Contributions in Psychological Anthropology ing taun 1988[1]. Taun 1999–2002, Thomas Csordas didhapuk minangka présiden the Society for the Anthropology of Religion.

Rujukan

  1. ↑ a b c d e Biographical dictionary of social and cultural anthropology. London: Routledge. 2004. kc. 143–144. ISBN 020364459X. OCLC 436848672. {{cite book}}: |first= missing |last= (pitulung)
  2. ↑ a b "CV Thomas Csordas". Diarsip saka sing asli ing 2018-05-27. Dibukak ing 2017-12-25.
  3. ↑ a b "Thomas Csordas". anthro.ucsd.edu (ing basa Inggris Amérika Sarékat). Dibukak ing 2017-12-25.