The Proposal inggih punika filem sandhiwara kumedhi romantis saking Amérikah Sarékat ingkang kadamel ing taun 2009. Filem punika dipunsutradarani Anne Fletcher, dhedhasar skénario anggitanipun Pete Chiarelli. Ingkang maragani filem punika antawisipun Sandra Bullock lan Ryan Reynolds.[3]. The Proposal dipunbabar surya 18 Juni 2009 ing Inggris Raya[4] lan surya 19 Juni ing Amérika Lèr, déning Touchstone Pictures.[5]
Lelampahan
Filem punika nyariyosaken babagan Margaret Tate (Sandra Bullock) ingkang nyambut damel ngayahi jejibahan minangka pangarsanipun juru besut ing kongsi juru babar buku. Sedaya andhahanipun, kalebet juru bantunipun, Andrew Paxton (Ryan Reynolds), mboten sami remen dhumateng piyambakipun. Margaret kepara mecat salah satunggalipun juru besut tabon, Bob Spaulding (Aasif Mandvi) amargi mboten saget ngrawuhaken panyerat ingkang namanipun Frank wonten adicara televisi Oprah Winfrey. Sasampunipun piyambakipun mangertos bilih badhé dipunwangsulaken dhumateng Kanada, piyambakipun meksa supados Andrew ndhaup. Nalika pamaréntah ndhedhes, Mr. Gilbertson (Denis O'Hare) maringi pirsa punapa akibatipun manawi nglampahi dhaup éthok-éthok. Andrew pungkasanipun nampi rancangan punika, kanthi srana nyuwun dipunangkat dados juru besut lan nyuwun ugi supados babon naskahipun dipunbabar. Piyambakipun ugi nyuwun supados Margaret matur kanthi saé dhumateng tiyang sepuh lan sagung kulawargi ing Sitka, Alaska. Lajeng kekalihipun bidhal dhumateng Alaska. Lan Margaret saèstu kagèt lan mboten pracaya, manawi kasunyatanipun Paxton punika saking kulawargi ingkang sugih mblegedhu.
Ingkang maragani
- Sandra Bullock
- Ryan Reynolds
- Malin Akerman
- Mary Steenburgen
- Craig T. Nelson
- Betty White
- Oscar Nuñez
- Aasif Mandvi
Pranala njawi
Rujukan
