Surat Al 'Ashr punika surat kaping-103 saking Al Qur'an. Surat punika kalebet surat makiyyah ingkang kasusun saking 3 ayat. Tembung Al 'Ashr punika manawi kajarwakaken kanthi nglegena hgadhah arti "wekdal ashar" (nalika srengéngé sampun miring nuju angslup). Nanging, kathah para ulama ingkang sarujuk manawi "Ashar" ingkang dipundamelaken dados irah-irahan surat punika luwih pas manawi kajarwakaken dados "wekdal" kanthi arti ingkang wiyar. Suraosipun surat punika ngabaraken manawi sajatosipun sadaya manungs apunika wonten ing kaanan ing tuna (rugi) kajawi manungsa punika tansah ngamal ingkang saé, tansah ngélingaken ing kabeneran lan ngélingaken kanthi sabar.
Isi surat
بِسْمِ اللَّهِ الرَّحْمَنِ الرَّحِيمِ : Kanthi nyebat asma Allah Ingkang Maha Mirah lan ugi Maha Asih.
Sayektosipun manungsa punika temen wonten ing sajeroning kapitunan,
Kajawi ingkang sami mangestu sarta nindhakaken panggawé ingkah saé (amal sholèh), lan weling-wineling ing kabeneran, sarta weling-wineling ing kasabaran.[1]
Cathetan sikil
↑Kajarwakaken kanthi midhangetaken Tapsir Al-Quran Suci Basa Jawi anggitanipun Profesor K.H.R Muhammad Adnan. Bentènipun, jarwa ing mriki ngagem basa krami.
