Roberto Cardoso de Oliveira ya iku ahli antropologi saka Sao Paulo, Brasil, kalairan taun 1928^[1]. Pandhidhikané Roberto ing pawiyatan luhur ya iku ana ing University of Sao Paulo, Brazil. Taun 1953, dhèwèké olèh gelar BA lan taun 1966 Ph.D^[1][2][3]. Panlitian lapangan kang naté dilkaoni Roberto ya iku ing Mato Grosso kidul Brazil (1955, 1957, 1958, 1960), Tapirapé Brazil (1957), Tukuna Brazil (1959), lan Tarascos Mèksiko (1973)^[1]. Roberto uga nulis karya-karya antropologis ya iku antarané O Índio e o mundo dos brancos (Jawa: Dunia Wong Indian lan Wong Kulit Putih) taun 1964, Urbanizção e tribalismo (Jawa: Urbanisasi lan Tribalisme) taun 1968, ‘Indigenous peoples and socio-cultural change in the Amazon Brazil’, ing Charles Wagley (ed.) ing jurnal Man in Amazon (1974), Sobre o pensamento antropológico (Jawa: Ing Kawruh Antropologi) taun 1988^[1]. Sawiji pisumbangané ya iku dhèwèké dadi pangadeg antropologi sosial modhèrn ing kampus-kampus Brasil^[1][2][3].

1. ↑ ^{a b c d e} Amit, Vered (2004). Biographical dictionary of social and cultural anthropology. London: Routledge. kc. 118. ISBN 020364459X. OCLC 436848672.
2. ↑ ^{a b} "Roberto Cardoso de Oliveira Canal Ciência - Ibict". www.canalciencia.ibict.br (ing basa Portugis Brasil). Diarsip saka sing asli ing 2018-01-19. Dibukak ing 2017-12-22.
3. ↑ ^{a b} Laraia, Roque de Barros (October 2008). "Trajetórias convergentes: Cardoso de Oliveira e Maybury-Lewis". Mana. 14 (2): 547–554. doi:10.1590/S0104-93132008000200011. ISSN 0104-9313.^{[pranala mati permanèn]}