Richard Handler ya iku ahli antropologi saka Indiana, Pennsylvania, Amérikah Sarékat, kalairan ing tanggal 17 Mei 1950^[1]. Richard naté olèh pandhidhikan pawiyatan luhur ana ing Columbia University (BA) ing taun 1972. Sabanjuré ing University of Chicago lan olih gelar MA ing taun 1976 lan Ph.D. ing taun 1979^[2]. Panlitian lapangan antropologis kang linakonan ya iku ana ing Quebec (taun 1976, 1977, 1980, 1983) lan ing Williamsburg, Virginia ing taun 1990^[1]. Karya-karya akademis kang sinerat déning Richard ya iku antarané Nationalism and the Politics of Culture in Quebec (1988), The Fiction of Culture: Jane Austen and the Narration of Social Realities (taun 1990), The New History in on Old Museum: Creating the Past at Colonial Williamsburg (1997), lan Excluded Ancestors, Inventible Traditions: Essays Toward a More Inclusive History of Anthropology, minangka èditor (taun 2000)^[1]. Richard iki ana pisumbangané ing bab pulitik budaya ing nasionalis Quebec^[3].

1. ↑ ^{a b c} Amit, Vered (2004). Biographical dictionary of social and cultural anthropology. London: Routledge. kc. 315. ISBN 020364459X. OCLC 436848672.
2. ↑ "| Department of Anthropology". anthropology.virginia.edu. Diarsip saka sing asli ing 2017-07-22. Dibukak ing 2018-01-16.
3. ↑ "Richard Handler on Anthropology and Undergraduate Interdisciplinary Education — Cultural Anthropology" (ing basa Inggris). Dibukak ing 2018-01-16.