Pulo Wèh

Pulo Wèh
Èlevasi617 metres (2,024 ft)

Pulau Wèh (utawi We) inggih punika pulo vulkanik alit ingkang wonten ing kilenipun Pulo Sumatra sisih nginggil.[2] Pulo punika naté manunggal kaliyan Pulo Sumatra, nanging lajeng misah amargi mbledhugipun gunung geni ing jaman Pleistosen.[2] Pulo punika dunungipun ing Sagara Andaman.[2] Kutha paling ageng ing Pulo Wéh, Sabang, inggih punika kutha ingkang dunungipun paling kilén ing Indonésia.[2] Pulo punika misuwur kanthi ékosistemipun.[2] Pamaréntah Indonésia sampun netepaken wewengkon tebihipun ngantos 60 km² saking pinggir pulo minangka suaka alam.[2]

Géografi

Pulo Weh dunungipun ing Sagara Andaman, ing mrika wonten kalih golongan kapuloan, inggih punika Kapuloan Nikobar lan Kapuloan Andaman, kasebar wonten ing satunggal garis saking Sumatra ngantos lémpéng Burma.[3] Laut Andaman wonten ing lémpéng téktonik alit ingkang taksih aktif.[3] Pulo punika kagelar ngantos 15 kilomèter (10 mil) ing pucuk paling lèr Pulo Sumatra. Pulo punika kalebet pulo alit ingkang jembaripun namung 156,3 km², nanging gadhah kathah gunung.[2] Pucuk ingkang paling inggil ing pulo punika inggih punika satunggalipun gunung geni fumaroik kanthi inggil 617 mètér (2024 kaki).[2]

Pranala njawi

Cathetan suku

  1. "Pulau Weh". Global Volcanism Program. Smithsonian Institution. Dibukak ing 2006-11-16.
  2. a b c d e f g h Pulau Weh dipunundhuh tanggal 1 Agustus 2011)
  3. a b [Journal of Asian Earth Sciences. 2005. Tectonics and history of the Andaman Sea region]