Pasisir Karang Jahe

Pasisir Karang Jahe
JinisWisata alam
PapanDesa Punjulharjo, Kacamatan Rembang, Kabupatèn Rembang, Propinsi Jawa Tengah
Dibuka2014
Kang ngrumatKelompok Sadar Wisata (Pokdarwis)
StatusSaben dina (06.00-17.30)

Pasisir Karang Jahe ya iku salah sawijining obyek wisata pasisir ing Kabupatèn Rembang. Pasisir iki dumunung ing Desa Punjulharjo, Kacamatan Rembang, Kabupatèn Rembang, Propinsi Jawa Tengah.[1] Pasisir iki ana ing tengah dalan utama Rembang Pantura kilomètêr 7,5.

Wisatawan sing tumêka ing Karang Jahe bisa njupuk rong rute utama. Ya iku rute Semarang lan Surabaya, loro rute iki loro-lorone njupuk rute Pantura utawa dalan utama Semarang-Surabaya.[2] Yen Wisatawan bidhal saka pusat kutha Rembang, jarak sing ditempuh watara 9 kilomètêr, kurang luwih 16 menit perjalanan.[3] Papan wisata Pasisir Karang Jahe uga kasedhiya ing Google Maps, tujuane kanggo nggampangake para wisatawan sing arep lelungan menyang Karang Jahe. Pasisir Karang Jahe buka saben dina saka jam 06.00-17.30 WIB.[4]

Wisatawan sing tumêka ing pasisir iki, bakal nêmokake gapura sing ana tulisane Desa Punjulharjo, lan dibarengi instruksi wisata ing sisih tengen.[5] Saka gapura menyang pantai mung kudu ngilwati jarak 800 metèr.[6]

Pasisir Karang Jahe nawakake panorama wêdhi putih sing diubengi dening wit cemara ing pinggir pantai sing dawane 1 kilomètêr lan dhuwure wit rata-rata wis tekan telung metèr.[7] Nanem wit cemara iki nduweni tujuan kanggo nyuda kêdadeyan abrasi. Kajaba iku, wisatawan bisa nêmokake gazebo lan tenda ing pinggir pantai.

Wisatawan sing tumêka ing pasisir Karang Jahe mung kudu mbayar ongkos parkir, ongkos kendaraan roda loro Rp. 5.000, lan kendaraan roda papat Rp. 15.000.[8] Dene sing numpak bis bakal dikenai ongkos Rp. 25.000 kanggo bis cilik lan Rp. 50.000 kanggo bis gedhe.

Saliyane panggonan parkir, pengunjung uga bisa nêmokake sarana liyane, ya iku ana kamar mandhi, mushola, warung makan, gazebo lan spot foto.[9]

Ana kegiatan sing bisa ditindakake dening pengunjung ing papan wisata Pantai Karang Jahe, ya iku outbound, numpak prau layar, numpak kendaraan ATV, numpak kendaraan odong-odong, lan nyewa pelampung utawa perahu karet. Kanggo nyewa tunggangan, pengunjung kudu mbayar biaya tambahan.[10]

Sajarah

Obyek wisata pasisir Karang Jahe wiwit dikelola ing taun 2014. Asal-usul wisata iki diwiwiti saka abrasi pasisir sing nduwe pengaruh negatif marang warga lokal. Banjur ing taun 2008-2009 wilayah pasisir ditanduri wit cemara. Nganti akhire wisata pasisir Karang Jahe dibukak ing taun 2014. Pasisir iki dikelola dening masyarakat lokal sing dadi anggota gugus Kelompok Sadar Wisata (Pokdarwis).[11]

Kejaba iku, wisata pasisir Karang Jahe wis entuk penghargaan juara 2 ing jambore Kelompok Kesadaran Pariwisata (Pokdarwis) kang dianakake tanggal 28-30 Oktober 2021 dening Pemerintahan Propinsi Jawa Tengah.[12] Jambore kasebut dirawuhi dening Pokdarwis saka 31 kabupaten ing Jawa Tengah.[13]

Jeneng pasisir Karang Jahe dijupuk saka kata karang lan Jaé. Mulane saka sakdurunge obyek wisata pasisir iki dibuka, akeh ditemokake karang werna putih nganti abu-abu sing padha karo wujude jahe. Saka iku dadi dijenengi Karang Jahe.[14]

Gladri

  • Wisata Pasisir Karang Jahe
    Wisata Pasisir Karang Jahe
  • Pemandangan Pasisir Karang Jahe
    Pemandangan Pasisir Karang Jahe

Uga delengen

Rujukan

  1. ↑ Media, Kompas Cyber (2023-02-02). "Pantai Karang Jahe di Rembang: Daya Tarik, Aktivitas, dan Rute". KOMPAS.com (ing basa Indonesia). Dibukak ing 2023-10-06.
  2. ↑ Anggraeni, Ika Dewi (2023-02-21). "Pantai Karang Jahe: Tiket Masuk, Lokasi, dan Jam Buka 2023". Salsa Wisata (ing basa Indonesia). Dibukak ing 2023-10-07.
  3. ↑ "10 Gambar Pantai Karang Jahe Rembang 2023 Tiket Masuk" (ing basa Indonesia). 2023-09-06. Dibukak ing 2023-10-07.
  4. ↑ Lestari, Nur Endah Puji (2023-08-08). "Pantai Karang Jahe: Alamat, HTM, Fasilitas dan Daya Tarik". PETUALANG MUDA (ing basa Indonesia). Dibukak ing 2023-10-08.
  5. ↑ Irfany, Rizki Alief (2023-08-15). "Pantai Karang Jahe Rembang : Lokasi, Fasilitas & Tiket Masuk". Ray Adventure (ing basa Indonesia). Dibukak ing 2023-10-06.
  6. ↑ "Pantai Karang Jahe Rembang – Jurusan Geografi |" (ing basa Inggris Amérika Sarékat). 2023-09-20. Diarsip saka sing asli ing 2020-02-26. Dibukak ing 2023-10-07.
  7. ↑ Derma (2023-04-24). "Pantai Karang Jahe - Harga Tiket, Rute Lokasi & Spot Terbaru 2023". Mytrip123 (ing basa Inggris Amérika Sarékat). Diarsip saka sing asli ing 2023-12-09. Dibukak ing 2023-10-07.
  8. ↑ "Di Mana Lokasi Pantai Karang Jahe? Ketahui di Sini!". kumparan (ing basa Indonesia). Dibukak ing 2023-10-08.
  9. ↑ "Pantai Karang Jahe 🏖️ HTM, Rute, Foto & Ulasan Pengunjung". www.pantainesia.com. Dibukak ing 2023-10-07.
  10. ↑ Times, I. D. N.; Aji. "[FOTO] Indahnya Pantai Karang Jahe Rembang, Pas Untuk Libur Tahun Baru". IDN Times . Dibukak ing 2023-10-08.
  11. ↑ "Pantai Karang Jahe, Sejarahnya Inspiratif Dan Berbuah Manis Di Rembang - NativeIndonesia.com". www.nativeindonesia.com (ing basa Indonesia). 2022-11-11. Dibukak ing 2023-10-07.
  12. ↑ Media, Kompas Cyber (2021-10-30). "Keindahan Karang Jahe Beach, Salah Satu Juara Jambore Pokdarwis Jateng Halaman all". KOMPAS.com (ing basa Indonesia). Dibukak ing 2023-10-07.
  13. ↑ Redaksi (2021-11-01). "Karangjahe Beach Raih Juara Jambore Pokdarwis Jateng". Pemerintah Kabupaten Rembang (ing basa Inggris Amérika Sarékat). Dibukak ing 2023-10-07.[pranala mati permanèn]
  14. ↑ R, Widyartono (2023-09-21). "suarabaru.id". Dibukak ing 2023-10-07.

Pranala jaba