Papan Anggegana Internasional Juwata inggih punika papan anggegana ingkang dumunung ing Kota Tarakan, provinsi Kalimantan Lor, Indonésia. Papan Anggegana punika dumunung namung sakitar 3 km saking pusat kutha. Papan Anggegana Juwata Tarakan, Kalimantan Timur, kanthi dawanipun runway 2500 mèter x 45 mèter, sapunika sampun dipundarati déning pesawat jinis Boeing lan Airbus, sarta pesawat – pesawat perintis. Saking Cathetan statistik papan anggegana, panumpang ingkang minggah mandhap wonten ing Papan Anggegana Juwata, saben dintenipun antawis 3000 panumpang. Wekdal punika Papan Anggegana Juwata saweg dipunadani pambangunan saperlu ndadosaken minangka papan anggegana provinsi lan pintu gerbang kanggé Kalimantan Utara. Papan Anggegana punika minangka penghubung kanggé sadaya papan anggegana domestik lan perintis ingkang wonten ing Kalimantan Timur pérangan Utara. Papan Anggegana Juwata minangka papan anggegana ingkang angka 1 wonten ing Indonésia ingkang migunakaken sistem Green Aiport wonten ing apron nalika pangisian bahan bakar avtur.
Sajarah
Papan Anggegana Juwata wiwitan kabangun nalika masa penjajahan Walanda lan dados pangkala militèr kanggé pesawat-pesawat tempur kagunganipun Walanda. Nalika tanggal 11Januari1942 pesawat tempur gadhah Jepang mendarat ingkang pisanan wonten ing Indonésia ing Papan Anggegana Juwata kanggé ngrebut Hindia Walanda.
