Yoga Syahputra utawa kang dikenal kanthi jeneng Olga Syahputra (lair ing Jakarta, 8 Fèbruari 1983 – pati ing Singapura, 27 Maret 2015 ing umur 32 taun) ya iku salah sijiné aktor, pelawak, lan presenter kang asalé saka Indonesia.[1] Olga Syahputra kerep main peran dadi waria. Nanging Olga Syahputra ora gelem yèn dhèwèké diarani nduwéni kelainan seks.[1]
Karir
Olga Syahputra iku anak pambarep saka pitu sadulur.[2] Dhèwèké keturunan Padang-Jawa. Olga Syahputra anak saka pasangan Nur Rachman lan Nurhida.[2] Olga Syahputra nduwéni kasenengan njaluk tandhatangan lan foto bareng karo idholané. Saya suwé Olga Syahputra ditawani main ing filem Lenong Bocah.[2] Sadurungé main ing Lenong Bocah, Olga Syahputra kudu gladhen dhisik ingSanggar Ananda.[2] Amarga ora nduwé dhuwit, Olga banjur adol kulkas supaya bisa mbayar kursus ing Sanggar Ananda.[2] Kanca raketé Olga Syahputra kang jenengé Bertrand Antolin banjur rumangsa mesaké lan nukokaké kulkas anyar kanggo Olga Syahputra.[2]
Nalika isih aktif gladhen ing Sanggar Ananda, Olga Syahputra uga kerep mèlu syuting sanajan mung dadi peran pembantu. Olga Syahputra uga tau dadi asisten penyanyi kang jenengé Rita Sugiarto.[3] Sawisé Olga Syahputra main ing sinétron Kawin Gantung lan Si Yoyo, Olga Syahputra dadi presenter Ngidam ing SCTV. Olga Syahputra dadi presenter karo Jeremy Thomas.[3] Olga uga bisa nglawak ing acara komedi Jangan Cium Gue lan Extravanganza ABG.[3] Nalika nggabung karo Extravanganza ABG ing taun 2005, jeneng Olga Syahputra wiwit dikenal.[3] Jenéng Olga Syahputra banjur misuwur nalika lumebu taun 2007.[3] Nalika iku Olga Syahputra nggabung karo Indra Bekti lan Indy Barends ing acara Ceriwis kang disiyaraké ing Trans TV.[3]
Bebungah
Cathetan suku
