Nana Mirdad (lair ing Jakarta, 14 Maret 1985; umur 39 taun).[1] Nana Mirdad iku salah sijiné juru main filem lan sinétron kang asalé saka Indonésia.[1] Nana Mirdad iku anak wadon kang pambarep saka pasangan artis kang jenenge Jamal Mirdad lan Lydia Kandou.[1] Nana Mirdad duwé adhik kandung kang jenengé Naysila Mirdad.[1] Adhik kandung Nana Mirdad uga duwé profesi dadi juru main sinétron.[1]
Pernikahan
Nana Mirdad wis nikah karo salah sijiné aktor sinétron.[1] Bojoné Nana Mirdad ya iku Andrew White.[1] Andrew White duwé umur sangang sasi luwih enom yèn dibandingaké karo Nana Mirdad.[1] Nana Mirdad lan Andrew White nikah nalika tanggal 13 Mèi 2006.[1] Ing pernikahan iki tau ana kontrofersi.[1] Iki disebabake amarga Nana Mirdad lan Andrew White kang ngugemi kapitayan kang béda.[1] Nana Mirdad kang ngugemi agama Kristen Protestan lan Andrew White kang ngugemi agama Katolik.[1] Sanajan béda agama nanging babagan béda kapitayan iki ora dadi masalah tumprapé Nana lan Andrew White.[1] Sadurungé nikah Nana Mirdad uga digosipaké meteng dhisik.[1] Saéngga kudu rikat-rikat nikah kanggo njaga jenengé.[1] Pawarta iku banjur dikonfirmasi karo ibuné Nana Mirdad ya iku artis senior kang jenenge Lydia Kandou.[1] Lydia Kandou nerangaké yèn kabar iku ora bener[2]. Saka pernikahané karo Andrew White, pungkasané Nana nglairaké anak lanang nalika tanggal 30 Dhésèmber 2006.[1] Anak lanang kang pambarep lan uga putuné Lydia Kandou iki dijenengi Jason Deandra White [3].
Sawisé duwé anak, Nana Mirdad lan Andrew White banjur manggon ing Bali ya iku ing laladan Sanur.[1] Ing kéné Nana Mirdad lan Andrew White banjur nggawé bisnis restoran.[1] Restoran iki digawé nalika sasi November 2009.[1]
Nanging sawisé suwé ora main sinétron, Nana Mirdad mutusaké yèn dhèwèké bakal akting manèh.[1] Nana Mirdad banjur éntuk tawanan saka program sinétron SCTV, kang judhulé Langit dan Bumi.[1] Ing kéné Nana Mirdad akting dadi bojo kang dianiaya.[1] Ing filem iki Nana Mirdad akting dadi bojoné Fajrin kang dibintangi aktor Indra Bruggman.[1] Peran iki kalebu peran anyar kang durung tau diperanaké karo Nana Mirdad.[1] Aktingé iki ora njalari Nana adoh saka bojo lan anaké, amarga wiwit umur patang taun, anaké sekolah ing Play Group.[1] Saliyané iku, Nana Mirdad uga éntuk ijin saka bojoné kanggo manggon ing Jakarta.[1] Nanging Nana Mirdad uga kerep mulih ing Bali.[1]
Filmografi
Film kang dibintangi Nana Mirdad.[1]
Sinetron
Sinetron kang dibintangi Nana Mirdad.[1]
Iklan
Iklan kang dibintangi Nana Mirdad.[1]
- Sozzis
- XL Musik Ramadhan
- Sanyo
- Yamaha
- Casio
Cathetan suku
