Kunthi utawa Dèwi Kunthinalibrata utawa Dèwi Kunthi ing carita Mahabharata iku putri Prabu Kuntiboja. Putri iki seduluré Basudéwa (bapaké Baladéwa), Kresna lan Subadra. Dewi Kunthi iku ibuné Yudhistira, Werkodara, lan Arjuna lan uga bojo pisanané Pandhu Dewanata. Saliyané saka Pandhu, Kunthi uga peputra Karna saka sesambungané klawan Bathara Surya.

Bapaké Kunthi iku Raja Surasena saka Wangsa Yadawa, lan wiwit bayi kaparingan jeneng Pritha|Pritha. Banjur, dipèk anak déning Raja Kuntiboja. Wiwit iku Pritha nganggo jeneng Kunthi|Kunthi..

Nalika Kunthi isih mudha, dhèwèké kaparingan mantra saka Resi Durwasa supaya bisa nekakaké déwa-dewi. Sawijining dina, Kunthi nyoba ngundhang Bathara Surya. Surya pancèn terus rawuh lan banjur ndangu apa sing dikarepaké Kunthi. Kunthi malah nyuwun supaya Surya kondur waé. Amarga Kunthi wis ngundang nanging ora ana kekarepané, Surya mènèhi anak. Kunthi rumangsa ora butuh anak amarga isih prawan. Anak didèlèhaké ing kranjang lan dikèntiraké ing kali Aswa. Anak iku banjur tinemu déning kusir kraton Astina sing jenengé Adirata. Anak iku diparingi jeneng Karna.

Kunthi banjur dhaup klawan Pandhu, raja ing Astina nanging ora nduwé anak. Saliyané karo Kunthi, Pandhu uga dhaup karo Madrim|Madrim. Nalika Pandhu kudu urip ing alas, Kunthi ngetokaké mantrané manèh. Kunthi ngundang telung déwa lan nyuwun putra. Putra pambajeng Yudhistira||Yudhistira saka déwa Yama, keloro Bima saka Déwa Bayu, lan katelu Arjuna saka déwa Indra. Madrim uga banjur diajari migunakaké mantra iku lan peputra kembar: Nakula lan Sadewa, saka déwa Aswin. Putra lima mau banjur kawentar kanthi sebutan Pandhawa|Pandawa.

Sasédané Pandhu lan Dewi Madrim, Kunthi ngemong Nakula lan Sadewa, anaké Pandhu saka Dewi Madrim. Sarampungé Bharatayuddha, dhèwèké lan sadulur ipéné, Dretarastra, Gandari, lan Widura lunga tapa nganti tilar donya.

• Karna
• Pandhawa

• Ajaran Dewi Kunti Archived 2006-08-22 at the Wayback Machine.
• Kisah yang menunjukkan kebesaran Dewi Kunti
• Kisah dan tokoh-tokoh dalam Mahabharata^{[pranala mati permanèn]}