Kunir asem

Kunir Asem iku salah sawijiné kasil ramon obat herbal utawa jamu kang digawé saka bahan-bahan alami (herbal) lan diuri-uri diéning masarakat. Kunir asem kalebu jamu géndhong kang bahan mliginé kunir karo asem.[1] Jamu kang iki biyasa didadèkaké adhem-adheman kanggo awak utawa kanggo nyegeraké awak[2]. Jamu iki wernané kuning lan rasané kecut-kecut nuli seger. Liyané Jamu kunir asem kelebu jamu géndhong, ana jamu géndhong liyan kang kondhang ing masarakat Jawa kaya ta jamu beras kencur, jamu sinom, jamu cabé puyang, jamu paitan, jamu kunci suruh, jamu kudu laos lan jamu uyup-uyup utawa gepyokan.[3]. Jamu kunir asem iku kalebu ombèn-ombèn obat tradhisional Jawa kang wis ana kawit jaman biyèn. Racikané diturun-temurunké saka jaman Majapahit lan nganti saiki isih diuri-uri, nuli dilestarikaké dadi salah sawijining kasil budaya Jawa [3].

Asem, Bahan mligi Jamu Kunir Asem

Kasiyat Kunir Asem

Jamu kunir asem kang seger lan énak iki ora namung nyegeraké awak, jamu iki uga duwé piguna liyané, kaya ta[4]:

  1. kandhutan vitamin C saka asem bisa nambani sariawan
  2. ora namung rasané waé kang seger, jamu iki uga bisa gawé segeré awak
  3. nglangsingaké awak utawa nggawé awak singset
  4. nglancaraké haid
  5. jamuné embok-embok kang lagi mbobot (meteng)
  6. jamu kunir asem uga bisa kanggo nambani weteng mules.

Kasiyat Kunir Asem

Racikan Kunir Asém [3]
No. Kasiat Bahané
01. Seger-seger, adhem-adheman kunir, asem kawak, temulawak, gula
02. Mulés, adhem-adheman kunir kang akèh, asem kawak, gula abang
03. Weteng kembung kunir, asem kawak, gula abang
04. Awak seger, sariawan kunir, asem kawak, gula abang
05. Seger-segeran, sariawan, gomen kunir, asem kawak, gula abang
06. Adhem-adheman, sariawan kunir, asem kawak, gula abang
07. Panas njero kunir, asem kawak, gula abang
08. Panas njero kunir, godhong asem, asem kawak, jeruk nipis, gula
09. Seger-segeran kunir, godhong asem, asem kawak, jeruk nipis, gula
10. Adhem-adheman, sariawan kunir, kedawung, asem kawak, gula
11. Nglancaraké haid kunir, asem kawak, gula abang
12. Obat mbobot (meteng) kunir, asem kawak, gula abang

Cara Gawé Jamu Kunir Asem

Bahan utama jamu iki yaiku asem kang ditambahaké kunir utawa kunyit, nanging perlu ditambah karo bahan-bahan liyané kaya ta sinom (godhong asem enom), temulawak, wiji kedawung, lan banyu jeruk nipis. Kanggo pemanis, bisa ditambahaké gula pasir utawa gula jawa utawa pemanis buatan lan bisa ditambahaké karo uyah sathithik[5].

Cara nggawé jamu iki yaiku[1]:

  • Bahan-bahan kang wis cumepak dikumbah resik, nuli didheplok kasar nganggo lumpang karo alu wesi utawa watu (kunir mau wis dirajangi sadurungé)
  • digodhog nganti umub, ditambah uyah, gula sak selérané.
  • banyu godhogan mau disaring lan diombe sedina pindho utawa saperluné.

Cithakan:Bumbon crakèn

Cathetan Suku

  1. ↑ a b Tahukah Anda tentang JAMU ? Jamu Kunir Asam[pranala mati permanèn] dipununduh tanggal 03 April 2011
  2. ↑ Gaya Hidup Orang Indonesia[pranala mati permanèn] dipunundhuh tanggal 04 April 2011
  3. ↑ a b c Bahan Baku, Khasiat, dan Cara Pengolahan Jamu Gendong: Studi Kasus di Kotamadya Surabaya, 1998[pranala mati permanèn] (dipunundhuh tanggal 30 Maret 2011)
  4. ↑ Jamu Kunir Asam Archived 2011-08-11 at the Wayback Machine. dipunundhuh tanggal 03 April 2011
  5. ↑ jamu manjur[pranala mati permanèn] (dipunundhuh tanggal 02 April 2011)