Pura Maimun kapilah dados 2 lantai ingkang dipunpérang dados 3 pérangan, inggih punika yasan utama, sayap kiwa, lan sayap tengen.[2] Wonten ing ngajengipun Pura Maimun, kirang langkung 100 mèter, wonten Masjid Al-Maksum ingkang dipunkenal kanthi nama Masjid Raya Medan.[2] Ing ruang tamu (balairung) panjenengan saged mirsani tahta ingkang didominasi warna kuning.[2] Crystal nyinari lampu tahta, wujud saking prabawa kabudayan saking Éropah.[2] Ruangan ingkanmg ambanipun 412 m persegi punika dipun-ginakaken kanggé penobatan Sultan Deli utawi acara tradhisional sanèsipun.[2] Balairung ugi dipun-ginakaken kanggé panggènan Sultan nampi pujian saking seduluripun lan kulawarga ing dinten libur Islam.[2]
Pura Maimun sapunika dados jujugan plesiran boten namung amargi yuswanipun ingkang sampun sepuh, nanging ugi ''desain interior'' ingkang saé lan unik, ingkang ndapukaken warisan kabudayan Melayu, kaliyan kabudayan Islam, Spanyol, India lan Italia, nanging kahananipun sapunika kirang kaurus.[2] Manawi kita nglewati Pura Maimun punika wonten ing wayah sore, kita bisa mirsani lare-lare ingkang sami dolanan bal-balan wonten ing latar Pura Maimun punika.[2]
