Kutha Martapura sing dadi kutha krajan Kabupatèn Banjar yaiku kutha sing kawasané ana ing Kacamatan Martapura, sabagéan Kacamatan Martapura Kulon, sabagéan Kacamatan Martapura Wétan lan sabagéan Kacamatan Astambul. Kutha iki uga duwé jenang Kutha Santri utawa Kutha Serambi Mekah ing Kalimantan, amarga okèh santri lan pesatren ing kutha iki. Jeneng liyané yaiku Kutha Intan amarga duwé panggonan kanggo gosok intan uga okèh toko sing dodolan intan lan akik. Intan lan akik iku kasil saka laladan sak ubengé Kutha Martapura.
Perekonomian
Sapérangan gedhé masarakat duwé mata pencaharian tetanèn saka kebon Karèt sing rata-rata dadi kebon rakyat. Kajaba iku ngebon Jeruk dadi panguripané sapérangan masarakat lan dadi produk unggulan saka Kacamatan Astambul. Anané parusahan lokal, nasional, lan manca babagan Tambang Batubara mèlu mènèhi andil marang perekonomian ing Kabupatèn Banjar. Tambang Batubara ing kabupatèn iki diola déning parusahan seperti PT. Pamapersada Nusantara, PT. Kalimantan Prima Persada, PT. Pinang Coal Indonésia, lan liyané sing diawasi déning Perusahaan Laladan (PD. Baramarta).
