James T. Russell ya iku penemu Compact Disc (CD).^[1] CD ya iku sawijining piranti elektronik.^[1] Musik, filem, lan data tulisan bisa disimpen ana ing CD.^[1]

James T. Russel lair ing Bremerton, Washington, Amérikah Sarékat ing taun 1931.^[2] Kawit cilik, dhèwèké dikenal minangka bocah kang duwé semangat kanggo nyipta sawijining piranti kang bisa mènèhi manfaat kanggo manungsa.^[2] Nalika umur 6 taun, dhèwèké kasil anggoné gawé remote control kanggo dolanan kapal perange kanthi nagnggo wadhah segone.^[2] Dhèwèké sekolah ana ing Reed Collage, Portland, Amérikah Sarékat.^[2] Elmu kususe ya iku ngèlmu fisika.^[2] Dhèwèké uga kasil anggoné éntuk gelar BA.^[2] Sawisé dhèwèké lulus kuliyah ing tun 1953, dhèwèké nyambut gawé minangka fisikawan ing perusahan General Electric ing Richland, Washington.^[2] Ing kéné dhèwèké péngin ngawiti panaliten kanggo gawé CD.^[2] Taun 1970, dhèwèké kasil anggoné gawé CD.^[2] Dhèwèké kasil anggoné golèk cara kanggo nyimpen data ing jero piringan sensitive cahya.^[2] Data iki dimodelake ing sawijining bit cahya kang cilik banget, kira-kira 1 mikron.^[2] Sawijining sinar laser bakal maca struktur bit cahya iki, banjur komputer bakal ngubah data mau ing sinyal elektronik.^[2] Asil temuan iki luwih apik tinimbang piringan ireng kang misuwur ing wektu iku.^[2] Banjur dhèwèké matenake panemone mau.^[2]