Iwak koi

Iwak Koi

Iwak koi kalebu iwak hias kang akèh sing seneng.[1] Saliyané ngopèni minangka hobi, iwak koi uga bisa didadèkaké bisnis kang apik.[1] Iwak koi asalé saka iwak mas.[1] Iwak iki yaiku iwak nasional nagara Jepang.[1] Ing nagara Jepang iwak koi dianggep iwak Déwa.[1] Ing nagara Jepang koi karan kai kang artiné iwak berwarna.[1] Akèh vèrsi kang ngrembaka ngénani asal mausul koi.[1] Salah sijiné yaiku asalé saka Pèrsi, banjur digawa ing Jepang déning wong Cina ngléwati daratan Cina lan Koréa.[1] Koi saka Jepang pertama kali di eksport marang San Fransisco, Amérikah Sarékat (1938).[1] Bibar iku banjur dikirim marang Hawai (1947), Kanada (1949), lan Brasil (1953).[1] Wondéné lumebu Indonésia ditaksir kira-kira taun 1981-1982 digawa déning Hany Moniaga, hobiis kang manggon ana ing Cipanas, Cianjur, Jawa Barat.[1] Déwéké banjur ngembangaké ternak koi kang jeneng Leon lan Leonny.[1] Nanging layang Bauwarna taun 1898 uga wis nyebutake anane iwak waderkok kang asale saka Cina wis ana ing tanah Jawa kanggo lan maneh sisan diterangake pangupakarane.[2] Majalah Kajawen ing taun 1937 uga nerangake anane iwak waderkok kang diingu mingka klangenan.[3] Dene saka katrangan kang kababar ing kono ora liya maneh kang diarani waderkok yaiku kang saiki kaaran iwak koi.

Jinis Iwak Koi

Barkas:Jinis Iwak Koi.jpg
Jinis Iwak Koi

Jinis utawa kelompok iwak koi miturut pola lan variasi warna kapérang dadi 4.[4] yaiku:

Werna Tunggal

Jeneng Iwak Variasi warna awak
Shiromuji Putih
Benigoi, Higoi, Akagoi Kabèh abang
Kigoi Kuning
Kingoi Keemasan
Gingoi Putih Keperakan
Karasugoi, Sumigoi Kabèh ireng

2 Werna

Jeneng iwak Variasi warna awak
Kohaku Awak warna putih kanti warna abang nutupi sapérangan geger
Tancho-kohaku Putih-abang, ndase belang
Shiro-bekko Putih belang ireng
Shiroutsuri ireng belang putih
Ki Utsuri Ireng belang kuning
Hi utsuri Ireng belang abang
Aka-bekko Abang belang ireng
Asagi Biru-Abang

3 Werna

Jeneng iwak Variasi warna awak
Taisho-sanshoku Werna awak putih kanti corak warna abang, nanging campur karo ireng
Showa-sanshoku campuran antarané ireng, abang, lan putih ing sekabehane awak

4 Werna utawa luwih

Jeneng iwak Variasi warna awak
Goshiki 5 warna

Cara budidaya iwak koi

Milih iwak koi kang apik (duwé kuwalitas)

Kang perlu digatèkaké sakjroné milih iwak koi yaiku:

  1. Wujud awak (lurus, bunder nanging ora terlalu lemu).[5]
  2. Gayané renang (tenang kandang nglenggak-nglenggok kanti imbang).[5]
  3. Warna lan pola warna (cemerlang, jelas).[5]
  4. Keséhatan (aja milih koi kang lemes).[5]
  5. Ora gelem obah lan senengé ana ing dhuwur terus).[5]

Nyiyapaké blumbang kang trep

Blumbang kanggo iwak koi kudu resik, kanggo dhapuré bisa pasagi panjang utawa bundér.[6] Sing wigati aja lali gatékaké kuwalitas banyu, yaiku kudu 24-26 drajat celsius.[6] pH 7,2-7,4.[6] Kandutan karbon dioksida maksimal 10 pp, dan kandhutan nitrit maksimal 0,2.[6]

Pakan

Pakan kang diwènèhaké bakal ngaruh kanggo tampilan warna iwak koi.[6] Pakan kang apik kanggo iwak koi yaiku pakan kang akèh ngandut protèin héwani lan nabati lan duwé multivitamin. Kebutuhan pakan iwak koi yaiku 3-5 saka jumlah bobot iwak.[6]

Penyakit

Iwak koi kalebu iwak kang ora tahan banting.[7] Mula saka iku iwak koi kalebu ringkih marang sawatara lelara.[7] Kang kerep dikeluhaké déning para peternak iwak koi yaiku infeksi jamur. Anata jamur kang kerep nginfeksi yaiku:

  1. Saprolegnia
  2. Branchiomycosis
  3. Icthyophonus
  • Panen

Dawa iwak koi kang wis bisa dipanen yaiku kira-kira 20 cm.[6] Aja lali misah-misahaké ukuran dawa iwak koi ing wayah panèn supaya gampangaké anggoné ngétung asilé.[6]

Cathetan sikil

  1. ↑ a b c d e f g h i j k l [1] Archived 2012-10-12 at the Wayback Machine., Kaunduh 2/10/2012.
  2. ↑ Padmasusastra. Layang Bauwarna - 1898 (ing basa Jawa).
  3. ↑ Pustaka, Balai. Kajawen 1937 - 1937 (ing basa Jawa).
  4. ↑ [2][pranala mati permanèn], Kaunduh 2/10/2012.
  5. ↑ a b c d e [3] Archived 2016-03-10 at the Wayback Machine., Kaunduh 3/10/2012.
  6. ↑ a b c d e f g h [4], Kaunduh 3/10/2012.
  7. ↑ a b [5] Archived 2013-09-02 at the Wayback Machine., Kaunduh 3/10/2012.

Pranala njaba

[6] Archived 2012-10-12 at the Wayback Machine. [7][pranala mati permanèn] [8] Archived 2016-03-10 at the Wayback Machine. [9] [10] Archived 2013-09-02 at the Wayback Machine.