Hanoi (Basa Viètnam: Hà Nội), prakiran populasi 3.500.800 jiwa (1997), iku kutha krajan Viètnam lan biyèné kutha krajan Viètnam Lor saka taun 1954 tekan taun 1976. Kutha iki ana ing sisih tengen Kali Merah. Indhustri kang diasilaké Viètnam ya iku peralatan mesin, plywood, tèkstil, kimia lan rajutan tangan.
Hanoi dadi kutha krajan Viètnam nalika abad kaping 7. Jenengé kang asalé saka basa Mandarin, Đông Kinh, dadi Tonkin lan dipigunakaké bangsa Éropah marang saindhenging wewengkon Viètnam. Hanoi dijajah Prancis taun 1873 lan dipasrahké sepuluh taun sabanjuré. Hanoi dadi kutha krajan Indochina Prancis sawisé taun 1887.
Hanoi dijajah Jepang taun 1940, lan dibebasaké taun 1945, nalika dadi pusat papréntahan Viètnam. Saka taun 1946 tekan taun 1954, Hanoi dadi papan perlawanan sengit antarané Prancis lan bala Viètnam. Wiwit wektu iku, Hanoi dadi kutha krajan Viètnam Lor.
Sakwéné Perang Viètnam sarana transportasi Hanoi kaganggu déning pangeboman kreteg lan rèl sepur, nanging kanthi rikat bisa didandani. Sawisé perang rampung, Hanoi dadi kutha krajan kabèh wewengkon Viètnam nalika Viètnam pérangan Lor lan Kidul manunggal tanggal 2 Juli 1976.
Ing kutha Hanoi ana Universitas Nasional Viètnam (biyèné Universitas Hanoi), mausoleum Ho Chi Minh, Museum Sajarah Nasional, Museum Revolusi lan sapérangan monumèn sajarah.
