Kilimanjaro (basa Swahili: kilima, gunung; njaro, sumunar) utawa biyèn diarani Kaiser-Wilhelm-Spitze iku gunung ing lor-wétanTanzania. Gunung iki gunung paling dhuwur ing donya kang ngadeg bébas,[1] dhuwuré 4.600 m yèn diukur saka sikil gunung.
Puncak Kilimanjaro uga wujud puncak paling dhuwur ing Afrika, kanthi kadhuwuran 5.895 mèter ing sadhuwuring lumah laut. Gunung iki uga karan Kilima Dscharo utawa Oldoinyo Oibor kang ateges gunung putih ing basa Masai.[2]
Kilimanjaro iku gunung geni strato raksasa kang saiki ora aktif, nanging duwé fumarol kang ngetokaké gas ing kawah kang ana ing puncak utama Kibo. Ing Tanzania, puncak Kibo ditepungi minangka Puncak Uhuru.[3] Ing taun 2003, vulkanolog Jerman kang asmané Volker Lorenz mrakirakaké magma cuwer ana ing sangisoré lumah kawah ing kajeron 121,9 m (400 kaki).[4]
Kilimanjaro minangka jujugan plesiran, lan ana 6 rute kanggo puncak: Lemosho, Machame, Marangu, Umbwe, Rongai lan Sirkuit Lor. Padha béda-béda ing dawa. Rute panjang kang paling apik kanggo pamula, amarga nalika sampeyan nglampahi wektu luwih cepet ing pendakian, aklimatisasi dadi luwih gampang.[5]
