Gréja Ala

Gréja Ala saka njaba

Gereja Ala (Basa Swèdhen Ala kyrka) iku gréja abad tengahan ing Ala ing Pulo Gotland ing Swèdhen. Bagéané sing tuwa dhéwé saka abad kaping 12. Senadyan rusak kobongan ing taun 1930-an, gréja iki isih ngemot lukisan témbok abad tengahan lan bak baptis asli. Gréja iki kalebu anggota Gréja Swèdhen lan ana ing Kabiskopan Visby .

Sujarah lan arsitèktur

Pamandhangan jero menyang kur.

Sisih paling tuwa saka gréja tanpa lekukan iki yaiku nave, dibangun ing abad kaping-12. Panggonan kur ditambahaké ing tengah abad kaping 13, lan ngganti kur lan apsis sing luwih cilik . [1] Gereja saiki sing ora ndarbèni apsis, perkara iki khas gréja ing Gotland, lan uga nduwé tembok wétan sing lurus. Menarané rada luwih tuwa tinimbang kor. Gapura kidul gréja nuduhaké sawetara patung watu sing ora lumrah. [2]

Ing jero gréja iku dipaèsi nganggo fresko abad tengahan, sing dumadi saka rong sèt digawé pisah ing wanci sing séjé-séjé. Tanggal tuwa dhéwé wiwit pungkasan abad kaping 13 lan nggambaraké kéwan lan ornamèn lègèndaris. Tanggal anyar dhéwé saka abad kaping 15 lan nggambaraká pamandhangan saka legènda Santo Martinus, lukisan gedhé sing nggambaraké Kasangsaran Kristus digawé déning bèngkèl seniman sing ditepungi minangka Master Kasangsaran Kristus ( Passionsmästaren ) lan irah-irahan réligius liyané. [2] [3]

Gréja iki rusak banget kobongan nalika taun 1938, lan prabotané akèhé sirna, kalebu salib kamenangan saka abad kaping 13. Bak baptis abad tengahan saka abad kaping 13 iku kagawé saka gamping lokal sing awèt lan kalebu sawetara barang sing isih ana. [4] Ing taun 1938-1919, rèstorasi dilaksanakaké manèh, lan gréja olèh organ anyar ing taun 1955. [2]

Gréja Ala kalebu anggota Gréja Swèdhen. Dunungé ana ing Kabiskopan Visby.[5]

Gladri

  • Gréja Ala, 1917.
    Gréja Ala, 1917.
  • Gréja Ala sawisé kobong ing taun 1938.
    Gréja Ala sawisé kobong ing taun 1938.
  • Kaca patri kanggo ngènget kobongan gréja Ala déning oleh seniman Oskar Brandtberg
    Kaca patri kanggo ngènget kobongan gréja Ala déning oleh seniman Oskar Brandtberg
  • Gréja Ala dideleng saka ndhuwur.
    Gréja Ala dideleng saka ndhuwur.
  • Gapura.
    Gapura.
  • Bagéan tengah gréja Ala (madhep kulon) karo orgen déning Åkerman & Lund Orgelbyggeri AB.
    Bagéan tengah gréja Ala (madhep kulon) karo orgen déning Åkerman & Lund Orgelbyggeri AB.
  • Lukisan altar lan kordhèn saka awal abad kaping 18.
    Lukisan altar lan kordhèn saka awal abad kaping 18.
  • Frèsko gawéan Master Kisah Pasangsaran Kristus saka tengahan tahun 1400-an.
    Frèsko gawéan Master Kisah Pasangsaran Kristus saka tengahan tahun 1400-an.
  • Orgeln byggd 1959 av Åkerman & Lund Orgelbyggeri AB.
    Orgeln byggd 1959 av Åkerman & Lund Orgelbyggeri AB.

Réferènsi

  1. ↑ Söderberg, Bengt G. (1978). Kyrkorna på Gotland: The churches of Gotland . Visby: Gotlandskonst. Dibukak ing 11 June 2014.
  2. ↑ a b c Lagerlöf, Erland (1973). Lagerlöf, Erland (èd.). Gotlands kyrkor . Uddevalla: Rabén & Sjögren. kc. 86–88. ISBN 9129410355.
  3. ↑ Renovatio Mundi (11 July 2018). "Passionsmästaren". renovatiomundi.blogspot.com. Dibukak ing January 1, 2019.
  4. ↑ Sjöstrand, Eva; Jonson, Christer; Geijerstam, Bengt af (2013). Änglar & drakar: en gotländsk kulturskatt . Visby: Gotlands museum. ISBN 978-91-88036-88-9. Dibukak ing 11 June 2014.
  5. ↑ "Telefon och adresslista till alla våra 10 pastorat på Gotland" . Diocese of Visby (Church of Sweden). Dibukak ing 24 January 2020.

Wewacan luwih jangkep

Pranala njaba

  • Médhia magepokan Ala Church ing Wikimedia Commons