Grojogan Coban Randha

Grojogan Coban Randha
JinisWisata alam
PapanDésa Pandesari, Kecamatan Pujon, Kabupaten Malang, Provinsi Jawa Wétan
Koordinat7°53′5.86″S 112°28′38.28″E / 7.8849611°S 112.4773000°E / -7.8849611; 112.4773000Koordhinat: 7°53′5.86″S 112°28′38.28″E / 7.8849611°S 112.4773000°E / -7.8849611; 112.4773000
Dibuka1980
StatusSaben dina (07.30-17.00 WIB)
Sarana
  • Parkir
  • Mushola
  • Warung panganan
  • Spot foto
  • Resort
  • Kamar mandhi

Grojogan Coban Randha inggih punika salah sawijining grojogan kang mapan ing Malang. Grojogan iki dumunung ing Désa Pandesari, Kecamatan Pujon, Kabupaten Malang, Propinsi Jawa Wétan.[1] Jarak menyang Grojogan Coban Randha watara 31 kilometer saka pusat kota Malang, utawa kira-kira kanthi wektu 1 jam perjalanan nganggo mobil.[2] Lokasi Grojogan Coban Randha mlebu ing wilayah Palawi Risordi sing biyen dikenal Perhutani Alam Wisata.[3]

Grojogan Coban Randha kira-kira duwèni dhuwur kanthi 84 mèter. Panggonanan grojogan iki mapan ana ing kadhuwuran kira-kira kanthi 1,135 mèter (saka lumahing sagara).[4] Duweni panggonan sing dhuwur, banyu curug sing mabur bisa udani awak nalika nyedhaki grojogan.

Banyu sing mili saka grojogan ing musim garing lan udan duwe pitungan debit sing beda. Ing musim udan, debit grojogan udakara 150 liter per detik, nalika ing musim garing, debit grojogan mung sekitar 90 liter per detik.[5]

Cemoro Mudo dadi telung tuk (mata air) kanggo Grojogan Coban Randha, sing ana ing lereng Gunung Kawi. Pariwisata alam Grojogan Coban Randha wis dibukak wiwit taun 1980, nanging wisata iki isih asring ditekoni wisatawan. Nalika ngunjungi Grojogan Coban Randha, para pengunjung bakal nemokake wit pinus sing ngubengi Grojogan.

Kahanan umum

Grojogan Coban Randha buka saben dina, mulai saka jam 07.30 – 17.00 WIB. Pengunjung sing arep mlebu wisata Coban Randha, kudu mbayar karcis Rp. 35.000 kanggo dina minggu lan Rp. 40.000 ing akhir minggu (warga lokal).[6] Dene karcis mlebu kanggo warga mancanegara ya iku Rp 75.000.[7] Rute menyang Coban Randha saka kutha Malang bisa liwat Jalan MT Haryono, Jalan Mojorejo, Jalan Trunojoyo, Jalan Raya Tlogomas, Jalan Suropati, Jalan Sultan Agung, lan pungkasan wisata Coban Randha. Nanging yen lelungan saka kutha Surabaya bisa njupuk rute Surabaya, Kabupaten Malang, Landungsari lan Pujon. Jarak sing ditempuh watara 116,8 kanthi wektu kira-kira 2,5 jam. Utawa pengunjung bisa liwat dalan Tol Pandaan-Malang, Gerbang Tol Singosari, Jalan Perusahaan Raya, Jalan Raya Giripurno, Jalan Trunojoyo, banjur tekan Coban Randha.[5]

Sarana sing ana ing jero wisata Grojogan Coban Randha yaiku, kamar mandhi, mushola, parkir, penginapan, panggonan kuliner lan spot foto.[8] Kajaba kui, Pengunjung uga bisa nêmokake wisata liyane ing jero papan Coban Randha. Ana taman labirin, area camping ground, papan outbound sing dilengkapi wahana petualangan kayata ATV, Flying Fox, Target Shooting, panahan, skuter listrik lan macem-macem wahana liyane. Pengunjung uga bisa nginep ing papan wisata Coban randha, ing jero papan wisata wis ana resort lan area camping ground sing ana api unggune.[9][1][10]

Legéndha

Objek wisata Grojogan Coban Randha menika gadhah legéndha ingkang dipunpitadosi turun temurun dening warga lokal. Legéndha iki diwiwiti saka crita katresnan antarane Dewi Anjarwati sing asale saka Gunung Kawi lan Radèn Kusumo saka Gunung Anjasmoro. Sawise hubungan serius, Dewi Anjarwati lan Radèn Kusumo mutusake kanggo nikah, sawise sawetara dina, Dewi Anjarwati duwe niat dolan menyang omahe maratuwane ing Gunung Anjasmoro.[11]

Nanging, wong tuwane Dewi nolak maksud kasebut. Larangan kasebut amarga tradhisi Jawa Kuna sing nglarang wong mantèn anyar lelungan sadurunge umur nikah watara 35-36 dina. Yen nglanggar tradhisi iki, dipercaya bakal nggawa nasib ala kanggo pasangan. Iki kêdadeyane Dewi Anjarwati lan bojone Radèn Kusumo. Kekarone milih lunga mênyang Gunung Anjasmoro.[12]

Nalika lagi budhal, Dewi Anjasmoro lan Radèn Kusumo ketemu karo wong sing jenenge Joko Lelono, wong iki ora dingerteni asal-usule. Dicritakake yen Joko Lelono kasebut tresna marang kaendahane Dewi Anjarwati. Joko Lelono sing arep ngrebut Dewi Anjarwati akhire tandhing karo Radèn Kusumo. Pertarungan sing ora bisa diendhani iki, ndadekake Radèn Kusumo ngutus Dewi Anjasmoro supados ndhelik ing mburi grojogan. Nanging, pertarungan kasebut nyebabake wong loro kasebut mati lan Raden Kusumo ora bisa netepi janjine kanggo njupuk Dewi Anjarwati. Pungkasane, Dewi Anjarwati ditinggal dhewekan lan nangisi nasibe ing mburi grojogan.[13][11][14]

Saka crita iki dijupuk jeneng Grojogan Cuban Randha. Tembung "Randha" dijupuk saka basa Jawa kang tegese Janda, dene "Coban" tegese air terjun.[11][2][15]

Gladri

  • Grojogan Coban Randha
    Grojogan Coban Randha
  • Kaendahan alam ing Grojogan Coban Randha
    Kaendahan alam ing Grojogan Coban Randha

Uga delengen

Rujukan

  1. ↑ a b Media, Kompas Cyber (2022-09-01). "Coban Rondo di Malang: Daya Tarik, Wahana, Harga Tiket, dan Legenda Halaman all". KOMPAS.com (ing basa Indonesia). Dibukak ing 2023-10-01.
  2. ↑ a b Media, Kompas Cyber (2021-08-25). "Legenda Coban Rondo, Air Terjun Janda yang Kini Memesona..." KOMPAS.com (ing basa Indonesia). Dibukak ing 2023-10-04.
  3. ↑ Media, Kompas Cyber (2023-09-07). "Coban Rondo Malang: Harga Tiket, Jam Buka, dan Daya Tarik". KOMPAS.com (ing basa Indonesia). Dibukak ing 2023-10-04.
  4. ↑ "Legenda Coban Rondo, Air Terjun Janda dan Kisah Cinta Tragis di Baliknya". SINDOnews Daerah (ing basa Indonesia). Dibukak ing 2023-10-04.
  5. ↑ a b Times, I. D. N.; Nisa, Fina Wahibatun. "Info Wisata Coban Rondo Malang: Lokasi, Rute, Harga Tiket, dan Tips". IDN Times . Dibukak ing 2023-10-04.
  6. ↑ Ervinda, Meilisa Dwi. "10 Wisata Malang yang Asyik dan Aesthetic Rekomendasi Gubernur Khofifah". detikjatim (ing basa Indonesia). Dibukak ing 2023-10-06.
  7. ↑ Media, Kompas Cyber (2022-05-22). "Taman Labirin Coban Rondo: Harga Tiket, Jam Buka, dan Daya Tarik". KOMPAS.com (ing basa Indonesia). Dibukak ing 2023-10-06.
  8. ↑ Okezone (2022-10-29). "Mau Liburan di Coban Rondo? Berikut Informasi Jam Buka, Tiket Masuk dan Fasilitasnya : Okezone Travel". https://travel.okezone.com/ (ing basa Indonesia). Dibukak ing 2023-10-06. {{cite web}}: External link in |website= (pitulung)
  9. ↑ Media, Kompas Cyber (2022-05-22). "Taman Labirin Coban Rondo: Harga Tiket, Jam Buka, dan Daya Tarik". KOMPAS.com (ing basa Indonesia). Dibukak ing 2023-10-10.
  10. ↑ Nahal, An (2021-11-19). "Taman Labirin Coban Rondo: Harga Tiket, Lokasi & Foto". Salsa Wisata (ing basa Indonesia). Dibukak ing 2023-10-10.
  11. ↑ a b c "Coban Rondo Malang - Legenda, Fasilitas Wisata, Harga Tiket Masuk". www.ngetrip.my.id. Dibukak ing 2023-10-10.
  12. ↑ "Legenda Coban Rondo, kisah cinta tragis berujung kutukan". merdeka.com (ing basa Inggris). 2015-09-28. Dibukak ing 2023-10-10.
  13. ↑ "Coban Rondo, Air Terjun di balik Cerita Legenda". Indonesia Kaya. Dibukak ing 2023-10-10.
  14. ↑ Anak, Dongeng Cerita (2021-08-18). "Kisah Legenda Coban Rondo dan Pesan Moralnya". Cerita Rakyat Nusantara | Kumpulan Dongeng Anak Anak Sebelum Tidur (ing basa Indonesia). Dibukak ing 2023-10-10.
  15. ↑ Liputan6.com (2023-03-18). "Hati-Hati Hubungan Kandas, Ini Mitos Larangan Bermesraan di Coban Rondo Malang". liputan6.com (ing basa Indonesia). Dibukak ing 2023-10-10.