Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak.
Franco Modigliani
Franco Modigliani (18Juni1918 – 25September2003) inggih punika salah satunggaling tokoh Amérikah Sarékat ingkang miyos wonten ing Italia ingkang menangaken Penghargaan Bank Swèdhen babagan Ilmu Ékonomi kanggé méngeti Alfred Nobel nalika taun 1985 kanggé kalih (2) sumbangan.[1] Ingkang kapisanan inggih punika "analisisipun babagan perilaku penabung rumah tangga". Wonten ing wiwitan taun 1950-an, Modigliani, ingkang nyobi ngéwahi fungsi konsumsi Keynes, nepangaken "siklus hidup" modhèl konsumsinipun.[2] Pamanggih dhasar punika inggih pandangan umum, nanging kirang gadhah prabawa kanggé alesan punika. Piyambakipun ngandharaken sapérangan ageng tiyang kepéngin gadhah tingkat konsumsi ingkang lumayan inggil Kanggé tuladha, manawi penghasilanipun cendhèk wonten ing taun punika, nanging gadhah pangarep inggil wnten ing taun salajengipun, tiyang punika boten purun gesang kados tiyang miskin. Saéngga wonten ing taun-taun kanthi penghasilan inggil, Modigliani ngandharaken, tiyang sami nabung. Panjenenganipun nelasaken langkung saking pemasukanipun wonten ing taun-taun penghasilan andhap. Amargi pendapatan wiwit mandhap kanggé tiyang eném ingkang nembé miwiti, lajeng samsaya tambah wonten ing taun-taun pertengahan, dlan samsaya kirang nalika pensiun, pangandikanipun Modigliani, tiyang eném ngampil kanggé nelasaken pendapatanipun, tiyang sepalih umur kathah ingkang nyimpen, lan tiyang sepuh nelasaken simpenanipun.[3]
Sumbangan ingkang angka kalih ingkang damel Modigliani menangaken Penghargaan Nobel inggih punika teorema Modigliani-Miller ingkang misuwur wonten ing keuangan badan. Modigliani, sesarengan kaliyan Merton Howard Miller, nedahaken bilih wonten ing ngandhap asumsi tartamtu, aji sawijinng perusahaan bébas saking rasio utang dhateng keadilan.
Modigliani ugi nyerat salah satunggaling artikel ingkang miwiti studi harapan rasional ékonominipun. Nalika artikel ingkang terbit taun 1954, piyambakipun lan Emile Grumburg ngandharaken bilih tiyang mungkin ngantisipasi kabijakan lan UU pamaréntah tartamtu ingkang trep kaliyan punika. Éwadéné Modigliani radi kabotan babagan satebih pundi studi harapan rasional sampun mlampah kanthi wawasan dhasar punika.[4]
Modigliani nganggep piyambakipun minangka satunggaling pangikut John Maynard Keynes. Satunggaling kartun wonten ing lawang kantoripun nalika taun 1982 ngaendika: "Kanthi ijin Panjenengan, sadhérék, kula kepéngin nawakaken sawijining tembung ingkang saé kanggé kapentingan Maynard Keynes." Modigliani ninggalaken Italia ingkang dipunkuwasani déning fasisme nalika taun 1939 amargi piyambakipun inggih punika salah satunggaling tiyang Yahudi ingkang anti fasisme. Piyambakipun pikantuk gelar Ph.D. saking New School of Social Research nalika taun 1944. Modigliani ngajar wonten ing mrika wiwit taun 1944 dumugi taun 1949 lan minangka penasihat panalitén kanggé Komisi Cowles wonten ing Universitas Chicago wiwit taun 1949 dumugi taun 1952. Piyambakipun minangka profesor wonten ing Carnegie Institute of Technology saking 1952 dumugi taun 1960, ing Northwestern University saking taun 1960 dumugi taun 1962, lan wonten ing MIT wiwit taun 1962 dumugi sédanipun. Piyambakipun ugi minangka pimpinan American Economic Association nalika taun 1976.[5]
