|
Februari 2011
Prastawa
28 Fèbruari 2011 The King's Speech nampi 4 bebungah Oscar kalebet Film ingkang saé piyambak wonten ing Academy Awards ka-83.
24 Fèbruari 2011 STS-133, pamiberan pungkasan Wahana Antariksa Discovery, dipunluncuraken saking Kennedy Space Center.
22 Fèbruari 2011 Behgjet Pacolli kapilih dados Présidhèn Kosovo ing Majelis Kosovo senaos pamilihan kasebat dipunboikot déning parté oposisi.
22 Fèbruari 2011 Lindhu mawi kakiyatan 6,3 Skala Richter ngguncang wewengkon Christchurch lan saubengipun ing Selandia Énggal, njalari karisakan ageng (foto) lan niwasaken sabotenipun 65 jiwa.
19 Fèbruari 2011 Pihak ingkang kawogan némbak demonstran ing Libya lan Bahrain ing salebeting prastawa dhémonstrasi ingkang pinuju kadadosan ing donya Arab.
15 Fèbruari 2011 Satelit Stardust gadhah NASA
nyaketi komèt Tempel 1 lan mendhet foto kawah ingkang kadhapur déning misi Deep Impact.
15 Fèbruari 2011 Mahamantri Itali Silvio Berlusconi kadakwa nyéwa pekerja sèks komersial ingkang taksih timur.
14 Fèbruari 2011 Lady Antebellum mimpangaken 5 Pangaji-aji Grammy, kalebet Rekaman ingkang saé piyambak, lan Arcade Fire mimpangaken Album ingkang saé piyambak wonten ing Pangaji-aji Grammy ka-53.
12 Fèbruari 2011 Demonstrasi antipamaréntah (foto) kadadosan ing Aljazair.
11 Fèbruari 2011 Présidhèn Mesir, Hosni Mubarak (foto) munduri lan masrahaken kakuwasan dhumateng Dewan Agung Angkatan Bersenjata sasampunipun dhémonstrasi salebeting 18 dinten.
6 Fèbruari 2011 Satelit STEREO gadhah NASA kasil mendhet foto simultan ingkang kaping sepindhah saking sadaya lumahing surya.
6 Fèbruari 2011 Saklompok wargi nyerang jemaah Ahmadiyyah ing Cikeusik, Pandeglang, Banten.
4 Fèbruari 2011 Mahamantri Myanmar Thein Sein dipunangkat dados Présidhèn, sasampunipun pilihan umum taun 2010. (BBC) (Media Indonésia) (Metro TV) (VOA) (Kompas)
Ugi pirsani
|
|
