Direktorat Jéndral Administrasi Ukum Umum

Logo Ditjen Adminisrasi Ukum umum

Direktorat Jéndral Administrasi Ukum Umum inggih punika salah satungaling unsur pelaksana Kanayakan Ukum Indonésia ingkang nindakaken fungsi kanggé nyamektakaken kawicaksanan, nindakaken kawicaksanan, ngrumusaken standar, norma, pedoman lan prosedur ing babagan administrasi ukum umum. Lembaga punika dipunpandhegani déning satunggaling Direktur Jenderal Administrasi ukum Umum.[1] Kegiyatan tugas babagan pembinaan taknis operasional pelayanan ukum inggih kados makaten:

  1. Mbina lan ngendhalekaken saking lampahing yugas Bale Harta Tilaran ing sadaya laladan ing Indonésia.
  2. Paring pertimbangan utawi pamanggih saking masalah ingkang wonten ing babagan ukum perdata umum
  3. Nyamektakaken bahan saking penemu ukum (legal opinion) ingkang sampun dipunparingaken
  4. Ngrampungaken masalah grasi, amnesti, abolisi lan rehabilitasi
  5. Ngrampungaken prosès pengangkatan PPNS
  6. Paring pamanggih utawi pertimbangan ngengingi prakawis ing babagan ukum pidana
  7. Paring bimbingan lan pertimbangan ngengingi prakawis ing babagan ukum tata nagara

Struktur Organisasi

Sturktur organisasi Direktorat Jenderal Administrasi Ukum kapérang dados enem, inggih punika:

  1. Sekretariat direktorat Jenderal;[2]
  2. Direktorat Perdata, kanthi tugas ing antawisipun dados badan ingkang ngesahaken badan ukum, kanggé ngrampungaken permohonan pengangkatan; mindhah lan mandhegagen notaris; ngrampungaken legalisasi; ndamel Legal opinion; ngrampungaken permohonan éwah- ewahaning nama; ngrampungaken permohonan ngginakaken ahli ukum warga nagara asing; ngurus harta tilaran; ngurus hartanipun tiyang ingkang dipunkethok bangkrut; paring serat katrangan wasiyat; saha ngrampungaken pendhaftaran Jaminan Fidusia
  3. Direktorat Pidana, kanthi tugas ing antawisipun inggih punika kanggé ngrampungaken permohonan pengangkatan Penyidik Pegawai nagari Sipil (PPNS)
  4. Direktorat Tata Nagara, kanthi tugas ing antawisipun inggih punika kanggé ngrampungaken permohonan pewarganagaraan RI (naturalisasi)'; pendhaftaran parté pulitik
  5. Direktorat Ukum Internasional, kanthi tugasipun ing antawisipun inggih punika: Nindakakne kegiyatan babagan ukum internasional, gadhah peran wonten ing rambagan lan ndhudhah ngengingi materi ing babagan internasional, gadhah peran kanggé pangrembakanipun ukum internasional liwat sosialisasi, lan ndhèrèk gadhah peran wonten ing pangrambagan perundingan perjanjian- perjanjian bilateral, saha paring bimbingan lan pertimbangan ngengingi masalah ing babagan ukum internasional.
  6. Direktorat Daktiloskopi, ingkang gadhah tugas ing antawisipun kanggé ngampungaken rumusan lan identifikasi sidik driji tiyang.

Cathetan suku

  1. ↑ Visi dan misi Archived 2013-01-02 at the Wayback Machine. (dipunundhuh tanggal 31 Januari 2013)
  2. ↑ Sekretariat Archived 2013-01-26 at the Wayback Machine.(dipunundhuh tanggal 31 Januari 2013)