Ing DKI Jakarta ana 115 Sekolah Menengah Atas Negeri lan 60 Sekolah Menengah Kejuruan Negeri sing dikelola déning Dinas Pendhidhikan DKI Jakarta wiwit lumakuné otonomi laladan ing taun 2001.

Lumrahé, Sekolah Menengah Atas Negeri ing DKI Jakarta dibédakaké miturut kategori ing ngisor iki^[1]:

SMAN Reguler

SMA Negeri kategori Reguler iku Sekolah Menengah Atas kanthi status nagari sing ngayahi program pendhidhikan baku tanpa ana program mirunggan.

SMAN Pendamping Plus Tingkat Kotamadya

Sekolah Menengah Atas kategori pendamping plus tingkat kotamadya iku sekolah ing tingkat kotamadya sing mampu matrapaké program 7K (ketertiban, keamanan, kebersihan, keindahan, kekeluargaan, kerindangan, lan kaséhatan). Saliyané iku asil lulusané duwé tingkat keberhasilan 70 persèn lumebu menyang jenjang pawiyatan luhur kanthi aji rata-rata kalulusan siswa IPA, IPS, lan basa 7,0.

SMAN Plus Tingkat Kotamadya

SMAN Plus tingkat kotamadya iku sekolah menengah atas sing duwé status nagari ing sawijining kotamadya, sing mampu ngebaki program 7K lan tingkat keberhasilan lumebu menyang pawiyatan luhur 80 persèn kanthi aji rata-rata kelulusan 7,0.

SMAN Plus Tingkat Provinsi

SMAN Plus tingkat provinsi iku Sekolah Menengah Atas nagari ing tingkat provinsi, sing nganakaké pendhidhikan sing ngebaki kriteria 7 K. Ing sekolah iki, tingkat keberhasilan lumebu menyang pawiyatan luhur nggayuh 95 persèn kanthi aji rata-rata kelulusan 7,0.

SMAN Plus Standar Nasional/Internasional

SMAN Plus Standar Nasional utawa luwih misuwur kanthi sebutan Sekolah Unggulan iku Sekolah Menengah Atas Negeri sing ngebaki kriteria 7K, ing ngendi lulusané (100 persèn) kasil lumebu pawiyatan luhur kanthi aji rata-rata kelulusan 8,0.

Kanthi anané program Penerimaan Siswa Baru utawa PSB, ing siswa Sekolah Menengah Pertama bisa ndhaftar menyang sekolah-sekolah iki liwat penyeleksian aji Ujian Akhir Nasional, sing nyakup mata wulangan Basa Indonésia, Basa Inggris, Matématika, lan IPA.

Sajeroning telung taun pungkasan, sekolah-sekolah plus baku nasional ing DKI Jakarta nampa siswa-siswi sekolah menengah kapisan kanthi rata-rata aji UAN paling cendhèk antara 27,00 nganti 28,00^[2].

Anané SMA Negeri kanthi kategori plus dimaksudaké supaya sekolah bisa mènèhi pelayanan sing pepak marang masarakat, sajeroning wangun fasilitas marang siswa-siswi sing duwé bakat kanggo ngundhakaké kemampuan. Saliyané iku ana uga Sekolah Menengah Atas Negeri sing nyediakaké program liya kaya

Program Inklusif

Program Inklusif utawa misuwur kanthi sebutan program terpadu minangka sawiji program sing ditindakaké sebuah Sekolah Menengah Atas kanggo mènèhi pelayanan mirunggan ngatasi masalah tumrap siswa kanthi kebutuhan mirunggan, upamané tunanétra lan tunarungu.

Program Akselerasi

Program Akselerasi iku sawiji program percepatan wektu sinau sing dianakaké déning sekolah. Program iki ditujokaké marang siswa-siswi kanthi kemampuan sinau sing luwih, saéngga bisa nyekak wektu sinau ing sekolah. Siswa-siswi sing lumebu program iki lumrahé duwé kemampuan nyerep informasi kanthi rikat Amarga saka iku perlu tahapan-tahapan selèksi kanggo mèlu program iki.

Program Kelas Super

Program Kelas Super iku sawiji program sing dianakaké déning Dinas Pendhidhikan DKI Jakarta tumrap siswa-siswi Sekolah Menengah Atas kanthi tingkat kompetènsi sing dhuwur. Siswa-siswi mau kudu duwé aji rata-rata sadhuwuring 9,0 ing saben mata wulangan, lan duwé IQ sadhuwuring 150. Program Kelas Super dianakaké ing SMA Negeri 3 Jakarta lan njupuk siswa-siswi asil seleksi saka sekolah-sekolah ing Jakarta.

• Pendhidhikan
• Sekolah
• Depdiknas

• Situs web resmi Dinas Pendhidhikan Menengah lan Tinggi DKI Jakarta Archived 2007-03-16 at the Wayback Machine.

Cithakan:Sekolah