Dhèrèt kimia (Inggris: chemical series) yakuwi golongan unsur kimia kang sipat fisik lan kimiané owah kanthi progresif saka ujung siji menyang ujung liyané sajeroning dhèrèt mau. Dhèrèt kimia tinemu sadurungé tabel périodik (kang nata unsur miturut sipat kimiané) diciptakaké.
Sawetara dhèrèt kimia gegandhèngan langsung karo golongan tabel périodik. Bab iki dudu siji kabeneran, awit sipat fisik kang padha antara unsur ing siji dhèrèt timbul amarga anané konfigurasi orbit elektron kang padha, kang ndadèkaké unsur-unsur iki didèlèh ing golongan kang padha sajeroning tabel périodik.
Dhèrèt kimia ing tabel périodik yakuwi:
- Alkali (golongan 1)
- Alkali tanah (golongan 2)
- Lantanida
- Aktinida
- Logam transisi
- Logam
- Metaloid
- Nonlogam
- Halogen (golongan 17)
- Gas mulia (golongan 18)