David William Donald Cameron (lair ing London, Inggris, 9 Oktober 1966; umur 58 taun) inggih punika Mahamantri Karajan Manunggal lan ugi pangarsanipun Parté Konservatif (Karajan Manunggal).[1] Cameron makili Witney (parlemén Inggris) minangka anggota parlemén.[1]
Cameron sinau ngèlmu filsafat, pulitik, lan ékonomi ing Universitas Oxford, panjenenganipun pikantuk gelar kaurmatan ing kelas kapisan.[1] Panjenenganipun lajeng ndèrèk Dhepartemen Panaliten Konservatif lan dados penasihat khususipun Norman Lamont, lajeng ugi dados panasihatipun Michael Howard.[1] Cameron ugi dados dhirektur COrporate Affairs ing Carlton Komunikasi ngantos pitung taun dangunipun.[1]
Wonten ing satunggalipun penyalonan ingkang kapisan kanggé parlemén ing Stafford nalika taun 1997 panjenenganipun kalah.[1] Nanging Cameron kapilih minangka anggota parlemén kanggé Oxfordshire, konstituensi saking parelemén Inggris. Kalih taun salajengipun, panjenenganipun dipunpromosikaken dados pangarsanipun parté oposisi.[1] Panjenenganipun dados pangarsanipun lan ngatur kampanye pamilian umum taun 2005.[1] Kanthi citra publik ingkang saé minangka calon mudha ingkang modherat saéngga saged narik kawigaten pamilih enèm, panjenenganipun lajeng menang dados pangarsanipun kapemimpinan konservatif ing taun 2005.[1]
Nalika pamilian umum 2010 ingkang dipunwontenaken ing tanggal 6 Mèi, parté konservatif menangaken 307 kursi lan Cameron lajeng dipunlantik dados mahamantri ing tanggal 11 Mèi 2010.[2]
Cathetan suku
Pranala njawi
