Carlos Saúl Menem (lair ing Anillaco, La Rioja, 2 Juli 1930; umur 94 taun) inggih punika Présidhèn Argentina wiwit 8 Juli 1989 dumugi 10 Dhésèmber 1999 kanggé Parté Justisialis (Peronis).[1]
Latar belakang
Piyambakipun miyos saking kulawarga Muslim Saúl Menem lan Mohibe Akil, satunggaling imigran Suriah ing kutha alit Anillaco, ing provinsi La Rioja. Piyambakipun sinau kanggé dados pangacara wonten ing Universitas Córdoba piyambakipun dados pendukung Juan Perón. Menem kampanye kanggé tahanan pulitik lan dipuntahan nalika taun 1957 amargi njurung aksi kekerasan nglawan kediktatoran Aramburu.
Èwadèn èpiyambakipun mlebet Katolik, ikatanipun kaliyan tanah air tiyang sepuhipun tetep kuat. Wonten ing taun 1964 piyambakipun tindak dhateng Suriah lan wonten ing mrika piyambakipun kapanggih kaliyan Zulema Fátima Yoma, tiyang keturunan Suriah-Argentina. Kekalihipun palakrama ing taun 1966. Menem ugi dados présidhèn kanggé Asosiasi keturunan Suriah-Lebanon ing La Rioja.[2]
Menem pisahan kaliyan Zulema Yoma taun 1991. Putranipun ingkang ama Zulema María Eva Menem nindakaken peran minangka Ibu Nagara wonten ing adicara-adicara resmi kanggé sisa masa kalungguhan kepresidenan bapakipun. Wonten ing taun 1995, putranipun, Carlos Saúl Facundo Menem Yoma sèda wonten ing kacilakan helikopter. Èwadènè kadadosan punika dipunnyatakaken minangka kacilakan, kathah tiyang ingkang pitados bilih punika minangka rajapejah pulitik. Wonten ing Mèi 2001, Menem palakrama kaliyan model asal Chili ingkang nama Cecilia Bolocco (Miss Universe 1987) ingkang langkung enèm 35 taun.
Karier pulitik
Menem kapilih dados gubernur La Rioja taun 1973, sawijining posisi wigati damel piyambakipun dipunsoroti sasampun lengseripun Présidhèn Isabel Martínez de Perón rikala Maret 1976. Piyambakipun dipunkunjara déning junta militèr ing Tandil, Buenos Aires, dumugi 1981. Nalika Oktober 1983, kanthi lengseripun pamaréntahan militèr, Menem kapilih mali minangka Gubernur La Rioja.
Présidhèn
Menem ingkang kampanye minangka satunggaling pambrontak wonten ing parténipun piyambak lan menangaken pamilihan pendahuluan. Taun 1989 piyambakipun kapilih dados présidhèn, nggantosaken Raúl Alfonsín. Kampanyenipun ingkang kapusataken wonten ing janji-janji kabur wujud revolusi produktif lan salariazo (jargon kanggé minggahaken gaji ingkang ageng), ingkang katujokaken dhateng kelas pekerja, pendukung tradhisional Parté Peronis.[3]
Piyambakipun minggah tahta ing tengah-tengah krisis ékonomi ageng ingkang dipuntandhani déning hiperinflasi dln resesi. Sasampunipun sarangken upaya ingkang gagal, Mantri Keuangan Domingo Cavallo nepangaken sarangken pembaruan lan ngiket aji peso Argentina kaliyan dolar Amérika. Swastanisasi parusahan-parusahan pelayanan umum kalebet parusahan lenga, kantor pos, telepon, gas, listrik lan parusahan toya) lan arus dana investasi asing langsung ingkang ageng-agengan ingkang nulung ngendhalikaken inflasi (saking 5.000% satunggal taun wonten ing pungkasaning 1980-an dumugi praktis nol nalika wiwitan 1990-an) lan kanggé ngewahi ékonomi, nanging sadaya punika kedah dipunbayar kaliyan tingkat pengangguran ingkang lumayan ageng. Taun 1991 piyambakipun mbiyangun pasaran bébas Mercosur. Kasuksesan Menem kanggé nambali kaanan ékonomi ndadosaken nagara punika salh satunggaling pelaku ingkang saé piyambak wonten ing Amérika Latin. Wiwit taun 199-dumugi 1994, PDB mundhak kanthi rekor 35% [4] ingkang nulung piyambakipun kapilih malih wonten ing kalungguhan kapresidenan kanthi mayoritas ageng.
Cathetan suku
Pranala njaba
