kutha Bunkyō (文京区,Bunkyō-ku?) inggih punika salah satunggal saking 23 dhistrik istimewa ingkang mapan wonten ing Tokyo pérangan tengah, Jepang. Tokyo punika prefektur saéngga dhistrik kutha punika sejajar kaliyan kutha. Universitas Tokyo, Tokyo Dome, lan Kodokan mapan wonten ing kutha Bunkyō. Kutha Bunkyō punika kutha sastra, kutha pendidikan, lan kawasan griya. Saking jaman Meiji, kutha punika dados kutha pendidikan saéngga dados papan kanggé manggon para dosèn, politis lan ilmuwan. Ing kutha punika naté dinggèni déning sastrawan ageng kados Natsume Sōseki, Mori Ōgai, lan Kenji Miyazawa. Kajawi punika, kutha punika ugi kalebet kutha pusat rumah sakit, penerbitan, lan percetakan. Kathahipun wewengkon kutha punika kawasan kanggé griya, sekolah, kampus, lan rumah sakit. Kawasan kanggé sesadéan ingkang boten patia wiyar mapan wonten ing sisih kidul kutha. Wewengkon ingkang winatesan kaliyan kutha Chiyoda kados kawasan Honkomagome, Hongō, Koishikawa, Kohinata, lan Mejirodai saking rumiyin dados kawasan ingkang tentrem.
Géografi
Kutha Bunkyō punika laladan ingkang gadhah kathah tanjakan. Titik paling andhap punika wonten ing Kōraku-itchōme (3,1 m dpl) déné titik paling inggil wonten ing Ōtsuka-gochōme (ing sanginggiling 30 m dpl).[1]
Wewengkon punika wiwit dinggèni déning manungsa saking 18.000 taun kepengker. Ingkutha Bunkyō kapanggihaken 28 situs arkéologi jaman Jomon. Sapérangan gerabah Jomon kapanggih wonten ing tumpuak kerang kawasan Hongō. Nalika taun 1884, gerabah ingkang kapanggihaken ing Mukōgaoka Yayoi dipunparingi nama gerabah Yayoi. Nama gerabah punika dipun-ginakaken kanggé nama salah satunggaling periode historis Jepang saking abad kaping 8 SM dumugi abad kaping 3 Masehi, inggih punika jaman Yayoi.[2]
Transportasi
Sepur (Kereta api)
Sanajan ing kutha Bunkyō boten wonten stasiun JR, nanging kutha punika gadhah stasiun kanggé sepur ingkang ngliwato 6 jalur kreta Tokyo Metro.
