Bagong Kussudiardja (lair ing Jogjakarta, 12 Dhésèmber 1928 – pati 15 Juni 2004 ing umur 75 taun) mujudaken seniman lan budayawan ingkang ngadhegaken Padepokan Seni Bagong Kussudiardja.[1] Padepokan seni iku kang mula bukané Yayasan Bagong Kussudiardja (YBK).
Bagong Kussudiardja uga minangka pelukis. Panjenenganipun ngangsu kawruh babagan nglukis ing ASRI (Akademi Seni Rupa Indonésia) Yogyakarta.[2]
Riwayat
Bagong Kussudiardja punika kalebet koreografer lan pelukis kang pikantuk gelar begawan seni. Bagong Kussudiardja miyos ing Yogyakarta, 9 Oktober 1928.[3] Panjenenganipun kapundhut nalika yuswanipun 75 taun ing Griya Sakit Bethesda Yogyakarta, 15 Juni 2004 tabuh 22.45 WNIK.[3] Seniman punika tilar donya jalaran komplikasi penyakit prostat, paru-paru, diabetes, lan jantung.
Rama Gong, undang-undanganipun Bagong Kussudiardjo séda ing satengahing prosès panggarapan sendratari, pagelaran lintas sajarah kanthi irah-irahan Jakarta Maju, Indonésia Maju ingkang dipunpentasaken ing pambuka Pekan Raya Jakarta (PRJ), 17 Juni 2004. Bagong patutan 7, putu 21, lan buyut 2, sarta garwané Yuli Sri Hastuti. Sadèrèngipun krama kaliyan Yuli, panjenenganipun sampun gadhah garwa Sofiana (sampun kapundhut taun 1997). Rama Gong dipunsarékaken sesandhingan kaliyan garwa pisanan, Sofiana ing makan kulawarga Sembungan, Kasihan, Bantul, Yogyakarta, Rebo siyang, 16 Juni 2004.
Cathetan sikil
