Samband ungra sjálfstæðismanna SUS
Formaður	Viktor Pétur Finnsson
Varaformaður	Steinar Ingi Kolbeins
Stofnár	27. júní 1930
Höfuðstöðvar	Valhöll, Háaleitisbraut 1 105 Reykjavík
Félagatal	12000-15000
Stjórnmálaleg hugmyndafræði	Frjálslyndi, Frjálshyggja, Íhaldsstefna
Einkennislitur	Blár
Listabókstafur	D
Vefsíða	https://www.sus.is

Samband ungra sjálfstæðismanna (skammstafað SUS) var stofnað á Þingvöllum 27. júní 1930. Var sambandið stofnað þegar 15 svæðisbundin félög komu sér saman um að stofnun landssambands ungra sjálfstæðismanna með því að senda fulltrúa sína til stofnþings að þingvöllum. Voru stofnaðilar sambandssins því Fylkir frá Ísafirði, Heimdallur í Reykjavík, Óðinn á Flateyri, Skjöldur í Stykkishólmi, Stefnir í Hafnarfirði, Vörður á Akureyri ásamt sjálfstæðisfélaga í Bolungavík, Borgarnesi, Eskifirði, Sauðárkróki, Siglufirði, Vestmannaeyjum og Vestur-Húnavatnssýslu ásamt því að félög í Ólafsvík og Hnappadalssýslu komu að stofnun sambandsins án þess að senda fulltrúa á þingið. Taldi félagatal sambandsins við stofnun þess 1400 manns sem þótti mikill fjöldi í ljósi þess að Sjálfstæðisflokkurinn var þá um árs gamall.

Í lögum sambandsins við stofnun þess kemur fram í 2. grein "Tilgangur sambandsins er: a) að vinna að því, að Ísland taki að fullu öll sín mál í eigin hefnur og gæði landsins til afnota fyrir landsmenn eina. b) að efla í landinu þjóðlega, víðsýna og frjálslynda framfarastefnu á grundvelli einstaklingsfrelsis, atvinnufrelsis og séreignar, með hagsmuni allra stétta fyrir augum.

SUS er samband allra svæðisbundinna sjálfstæðisfélaga ungs fólks á aldrinum 15 til 35 ára. Félögin eru 38 talsins, og af þeim er Heimdallur í Reykjavík stærsta félagið. Í félaginu eru milli 12.000-15.000 manns sem eiga aðild að félaginu í gegnum aðildarfélög víðsvegar um landið. Er sambandið því stærsta stjórnmálahreyfing landsins að að frátöldum Sjálfstæðisflokknum.

Sambandsþing eru haldin annað hvert ár í ágúst eða september þar sem formaður og 26 stjórnarmenn úr öllum kjördæmum landsins eru kjörnir til tveggja ára. Þess á milli eru haldin málefnaþing annað hvert ár. Stjórnin hittist að jafnaði mánaðarlega. Framkvæmdastjórn, sem fer með daglegan rekstur sambandsins kemur saman vikulega. Skrifstofa sambandins er í Valhöll við Háaleitisbraut 1, Reykjavík.

Núverandi formaður SUS er Viktor Pétur Finnsson en hann var kjörinn formaður á sambandsþingi SUS á Selfossi þann 17. september 2023.

• Vefur sambandsins
• Fyrri stjórnir SUS
• Fréttatilkynning frá stofnun SUS