Handknattleiksárið 1957-58 var keppnistímabilið í íslenskum handknattleik sem hófst haustið 1957 og lauk sumarið 1958. KR-ingar urðu Íslandsmeistarar í karlaflokki í fyrsta og eina skipti og Ármannsstúlkur í kvennaflokki. Karlalandsliðið tók þátt í HM í Austur-Þýskalandi.

KR-ingar urðu Íslandsmeistarar á markatölu. Keppt var í níu liða deild með einfaldri umferð.

Félag	Stig
KR	15
ÍR	15
FH	13
Fram	9
Ármann	9
Valur	6
Afturelding	3
Þróttur	2
Víkingur	2

Ármenningar urðu Íslandsmeistarar í meistaraflokki kvenna. Leikin var einföld umferð í fjögurra liða deild.

Félag	Stig
Ármann	5
KR	4
Fram	2
Þróttur	1

Íslenska karlalandsliðið í handknattleik lék sína fyrstu leiki frá árinu 1950 þegar það tók þátt í HM í Austur-Þýskalandi snemma árs 1958. Liðið lék enga æfingaleiki við aðrar þjóðir og lenti í erfiðum riðli. Það sigraði Rúmena en tapaði fyrir liðum Tékkóslóvakíu og Ungverjalands og komst ekki í milliriðil.

• Tékkóslóvakía - Ísland 27:17
• Ísland - Rúmenía 13:11
• Ungverjaland - Ísland 19:16