La konflito komencis pos ke Sovietiani probis sensucese recevar Finlandana teritorii, demandante, inter altri, la cedo di diversa frontierala teritorii di Finlando kambie teritorii en altra loki, mencioninta motivi di sekureso, nome grantar la defenso di Leningrad, urbo distanta nur 32 kilometri de Finlandana frontiero. Finlando negis cedar, pro to Sovietia invadis la lando. Multa historiisti afirmas ke l'intenco Sovietiana fakte esis konquestar tota Finlando, e krear marioneto-rejimo segun sekreta protokoli del pakto Ribbentrop-Molotov.[2][3][4][5][6] Ja altra fonti ne kredas ke l'intenco Sovietiana esis konquestar Finlando komplete.[7] Finlando repulsis Sovietian ataki dum plu kam 2 monati, ed efektigis granda perdaji en l'invadera trupi, qui luktis sub temperaturi qui atingis -43 °C. Erste pos riorganizar sua armeo e modifikar sua taktiki, Sovietiani armeo sucesis avancar e vinkar Finlandani.
La milito finis en marto 1940, pos ke paco-pakto signatesis en Moskva. Finlando cedis 11% de lua teritorio, qua lor reprezentis 30% de lua ekonomio a Soviet-Uniono. La perdaji Sovietiana esis granda, e lua reputeso internaciona domajesis. Soviet-Uniono recevis plu multa tereni kam lua demandi ante la milito, inkluzite vasta arei vicina a lago Ladoga, ed en la nordo di Finlando. Altralatere, Finlando konservis sua suvereneso e plubonigis lua internaciona reputeso. La febla kombato-kapaceso di Reda Armeo stimulis Adolf Hitler pensar ke ula atako kontre Sovietia esus sucesosa, samatempe kam la prestijo di Sovietian armeo en l'Ocidento diminutis.
↑Manninen, Ohto:Miten Suomi valloitetaan: Puna-armeijan operaatiosuunnitelmat 1939-1944. Publikigita da Edita. Dato di publikigo: 2008. Idiomo: Finlandana. , pp. 37, 42, 43, 46, 49
↑Rentola, Kimmo:Motstrøms: Olav Riste og norsk internasjonal historieskrivning. Publikigita da Cappelen Akademisk Forlag. Dato di publikigo: 2003. Pagino/pagini: 188–217. Idiomo: Norvegiana.
↑Autoro: Michael H. Clemmesen e Marcus Faulkner. Northern European Overture to War, 1939-1941: From Memel to Barbarossa. Publikigita da Brill. Dato di publikigo: 2013. Pagino/pagini: 76.
↑Autoro: Thomas W. Zeiler e Daniel M. DuBois. A Companion to World War II. Publikigita da Wiley-Blackwell. Dato di publikigo: 2012.
↑Autoro: Chubaryan, A.. Stalin and the Soviet-Finnish War, 1939-1940. Publikigita da Kulkov, E.; Rzheshevskii, O.; Shukman, H.. Dato di publikigo: 2002.