Segovia
Aeral imajo pri Segovia.
Standardo	Blazono
Lando:	Hispania
Informo:
Latitudo:	40°56'53"N
Longitudo:	4°07'06"W
Altitudo:	1002 m
Surfaco:	163,59 km²
Habitanti:	52 057 (2020)
Denseso di habitantaro:	316,38 hab./km²
Horala zono:	UTC+1 (UTC +2 dum la somero)
Urbestro:	Clara Isabel Luquero Nicolás (PSCL)
• Segovia
Oficala retosituo:
www.segovia.es

Segovia esas urbo en Hispania. Segun statistiki dil yaro 2020, ol havis 52 057 habitanti. Lua tota surfaco esas 163,59 km².

La reliefo di Segovia esas partale plana. Ol jacas apud la bazo di la montaro Guadarrama, sude de ol. Lua mezavalora altitudo esas 1002 metri, e lua maxim alta punto, monto Cachiporra, jacas 1400 metri super la marala nivelo.

La klimato dil urbo esas transito inter ordinara mediteranea klimato (Csa) e mediteranea klimato kun influo oceanala (Csb segun la klimatala klasifikuro da Köppen). La mezavalora temperaturo en januaro (vintro) esas 4,3°C, kontre ke la mezavalora temperaturo en julio (somero) esas 22,2°C. Dum kolda dii di la vintro povas nivar.

La maxim sika monati esas julio e agosto, kande pluvas dum admaxime 3 dii de singla monato. La mezavalora yarala pluvo-quanto esas 479,4 mm, e la maxim pluvoza monato esas mayo, kun mezavalore 65,7 mm.