Nantes esas chef-urbo di Loire-regiono, en Francia. Segun statistiki de 2022, ol havis 325 070 habitanti. Ol esas la 6ma maxim populoza urbo di Francia. Lua tota surfaco esas 65,19 km². Kun portuala urbo Saint-Nazaire e vicina urbi, ol formacas metropolala regiono kun plu kam 1 milion habitanti.
Jacanta apud Loire, ol distas 50 kilometri del oceano Atlantiko. Historiale, ol apartenas a Bretonia. Ol esis episkopeyo dum la fino di Romana imperio, e konquestesis dal Bretoni en 851. Malgre ke la maxim multa duki di Bretonia rezidis ibe dum la 15ma yarcento, Rennes selektesis kom chef-urbo kande Bretonia unionesis a rejio Francia. Dum la 17ma yarcento, Nantes gradope divenis la maxim importanta portuo Franca, e dum la 18ma yarcento preske la duimo del komerco di sklavi en Francia originis ibe. Dum Franca revoluciono ol dekadis, ma dum la 19ma yarcento industrio - nome konstrukto di navi - divenis importanta.
Depos la duimo dil 20ma yarcento, Nantes komencis perdar industrii, e nun servadi esas ma maxim importanta ekonomial agado. Nun, ol agnoskesas kom havanta bona vivo-qualeso, ed en 2013 ol recevis la premio "Verda Chef-urbo di Europa".
-_Nantes.jpg)