Ho-Chi-Minh-urbo (Vietnamane: Thà nh phố Hồ Chà Minh) olim Saigon, esas la maxim populoza urbo di Vietnam. Ol havis 9 166 800 habitanti en 2021.[1] Lua teritorio okupas 2095,5 km². Lua metropolala regiono havas 14 milion habitanti.
L'urbo gastigas 76 universitati, di qui la maxim famoza esas la Nacional Universitato di Vietnam en Ho-Chi-Minh-urbo.
Historio
L'unesma kolonieto en la regiono evas de la 4ma yarcento, epoko en qua populo Funan konstruktis templo ube nun jacas Budista templo t Phụng Sơn. Altra kolonieto, nomizita Baigaur, establisesis en la regiono dum la 11ma yarcento.
L'unesma Vietnamani arivis en la regiono en 1623, kande la familio Nguyá»…n permisis li establisar kolonieto en Prey Nokor, qua pose divenis urbo Saigon.
Geografio
Ponto Phú Mỹ.
Ho-Chi-Minh-urbo okupas 2095 km², o 0,63% de la surfaco totala di Vietnam. La maxim granda disto de norde til sude esas 102 km, kontre ke la maxim granda disto de este til weste esas 47 km. Sua maxim nordala distrikto, Củ Chi, distas nur 20 km de la frontiero kun Kambodja.
La reliefo dil urbo esas kelke plana, kun mezavalora altitudo di 5 metri an lua centrala quartero. La mezavalora altitudo dil urbo esas 19 metri.
Lua klimato dil urbo esas tropikala de savano (Aw segun la klimatala klasifikuro da Köppen) kun alta humideso, varianta de 72% til 82% dum tota yaro. La mezavalora yarala temperaturo esas 28°C. La maxim alta temperaturi (40°C) enrejistresas en aprilo, kontre ke la maxim basa temperaturi (13,8°C) enrejistresas en januaro.
Existas du sezoni, pluvoza e sika. La pluvoza musono komencas en mayo e duras til novembro. La mezavalora yarala pluvo-quanto esas 1931 mm, e la maxim pluvoza monato esas septembro, kun mezavalore 327,1 mm.
