Gaborone esas chef-urbo e maxim populoza urbo di Botswana. Segun la demografiala kontado di 2022, ol havis 246 325 habitanti[1], qui reprezentas 10% de tota habitantaro di la lando.
L'urbo situesas inter la kolini Kgale Hill e Oodi Hill, distanta 15 km de la frontiero kun Sudafrika. Lua nomo originis de Kgosi Gaborone, tribuala chefo dil populo Tswana. Pro ke ol ne havis ligilo kun irga tribuo e pro lua proximeso kun aquala fonti, ol projetesis dum la yari 1960a por divenar chef-urbo di nedependanta Bechuanalando. Gaborone divenis chef-urbo en 1966.
Gaborone quale ses altra Botswanana loki es autonoma urbo distrikt-nivela.
