Un ek la lasta komunista stati de la mondo, Laos komencis ekonomiala descentraligo e kurajigar privata entraprezi en 1986. La rezulti esis bona: la mezavalora yarala kresko de 1988 til 2008 esis 6%, ecepte dum la periodo de la krizo en Azia, en 1997.[1] De 2008 til 2013 l'ekonomio kreskis plu kam 7% omnayare.[1] Tamen, la substrukturo di Laos restas nesuficanta, nome en rurala zoni.[1] Lua choseala sistemo duras kreskar, ma la telekomuniki interne e kun exterlando duras esar limitizita.[1]Elektro esas disponebla en 83% de la lando.[1]
Agrokultivo reprezentis 23,7% de la TNP en 2014, ed employis 73,1% de la laboro-povo en 2013.[1] L'ekonomiala kresko diminutis la povreso de 46% en 1992 til 26% en 2010. L'ekonomio anke profitas de direta koloko en aquobarili por produktar elektro en la fluvio Mekong, ed en la produktado di kupro, oro, ligno ed en la konstrukturo, quankam kelka projeti kritikesas pro lia ambiental* efekti.[1]
