Camille Saint-Saëns (n. 8ma di oktobro 1835, m. 16ma di decembro 1921) esis Franca muzikisto e kompozero.

Ye 24 di januaro 1875 en Paris, ilua simfoniala verko Danse macabre esis unesmafoye pleata. La verko deskriptas legendala evento di Halloween: Morto advokas mortinti de lia tombi, e li dansas dum ke Morto pleas sua violino, til ke hanulo krias ye jornesko. La violino en ca verko havas ajustita kordo, por plear tritono, konocata kom la diablo en muziko. Ye la unesma pleyo, la verko ne esis bone recevata pro la kadavrala aludi, ma ol nuntempe esas bone egardata.

Ye 25ma di februaro 1922 en Paris, ilua kompozuro Le Carnaval des animaux ("La Karnavalo dil animali"), grupo de 14 movimenti por du piani e mikra grupo de instrumenti, esis unesmafoye publike pleata. Il skribis la verko en 1886, e ol esis balde audata en privata pleadi. Saint-Saëns, supozante ke ca humoroza verko detrimentus ilua reputeso kom serioza kompozisto, interdiktis olua edito o publika pleo dum ilua vivo-tempo (ecepte la movimento "La Cigno", editita en 1887 por violoncelo e piano).

Pos ilua morto en decembro 1921, Le Carnaval des animaux editesis en aprilo 1922. La pleo en februaro 1922 esis tre bone recevata, e la verko divenis populara.