La batalio di Tudela esis batalio eventinta ye la 23ma di novembro 1808 che urbo Tudela, Navara, dum Napoleonala militi. En ca batalio, Franc armei komandita da Napoléon Bonaparte e lua federito, la Dukio Warszawa, luktis kontre trupi Hispana, e to rezultis decidigiva vinko Franca.
Hispana trupi komandesis da Francisco Javier Castaños, José de Palafox y Melci, Gregorio García de la Cuesta, ed altri. Franca-Polona trupi komandesis, inter altri, dal marshalo Jean Lannes, dal duko di Warszawa François Joseph Lefebvre e da Michel Ney.
La perdaji Hispana esis granda, kun 4.000 mortinti e 3.000 plusa militala kaptiti. Altralatere, Franci havis poka perdaji: 44 mortinti, e 513 plusa homi vundita. La strategiala rezulto esis ke Franci prenis kontrolo dil strategiala urbo Tudela, an la rivo dil fluvio Ebro, de ube povis organizar siejo kontre Zaragoza.
