Ni Anna May Wong (Enero 3, 1905 – Pebrero 3, 1961) ket isu idi ti immuna nga Insik Amerikano a nagbida iti pelikula,[1] ken ti immuna a Asiano Amerikano nga aktres a nakagun-od iti sangalubongan a pannakabigbig.[2] Ti atiddog ken nagdumaduma a karerna ket mairaman iti naulimek ken adda uni a pelikula, telebision, teatro ken radio.
Niyanak idiay asideg ti kaarubaan ti Kainsikan ti Los Angeles kadagiti maikadua a kaputotan nga Insik-Amerikano a naganna, ni Wong ket nagbalin a nagay-ayat kadagiti sine ken nagrugrugi a nagarte kadagiti pelikula iti nasapa a tawen. Idi las-ud ti panawen ti naulimek a pelikula, isu ket nagarte iti The Toll of the Sea (1922), maysa kadagiti immuna a sine a naaramid iti kolor ken ti The Thief of Bagdad (1924) ni Douglas Fairbanks. Ni Wong ket nagbalin a simbolo ti moda ken babaen idi 1924, isu ket nakagun-od iti sangalubongan a pannakabigbig.