^ Nailian ken opisial a pagsasao iti amin nga aspekto iti sibubukel a teritorio iti estado ken amin a sangalubongan a pannakibiangna.
^ Kumaddua nga opisial a pagsasao iti agpang iti estado (malaksid ti depensa, tengnga a polis ken annuroten ti panguartaan) ken iti dagiti yunit ti lokal a bukod a gobierno a dagiti agsasao ket 20% wenno ad-adu.
Ti Amianan a Macedonia (Masedonio: Северна Македонија, romanisado: Severna Makedonija; Albanes: Maqedonia e Veriut), opisial a ti Republika ti Amianan a Macedonia (Masedonio: Република Северна Македонија, romanisado: Republika Severna Makedonija), ket ti maysa a pagilian iti Peninsula ti Balkan iti Abagatan a daya nga Europa. Daytoy ket maysa kadagiti nangsaruno nga estado iti dati a Yugoslavia, a nakairangaran ti wayawayana idi Septiembre 1991. Idi pagbaetan ti Septiembre 1991 ken Pebrero 2019, daytoy ket opisial a ti Republika ti Macedonia ken kadawyan nga ammo a kas ti Macedonia, FYR Macedonia, ken FYROM.
Ti pagilian ket nagbalin a kameng ti Nagkaykaysa a Pagpagilian idi 1993, ngem, kas resulta ti suppiat iti Gresia iti panagusar iti nagan a Macedonia, naawat idi daytoy babaen ti probisional a deskripsion ti dati a Republika ti Yugoslav ti Macedonia[7][8] (naipangyababa a kas FYROM ken FYR Macedonia), ti maysa a termino a naus-usar payen babaen dagiti nadumaduma a sangalubongan a gunglo. Idi Hunio 2018, pinirmaan ti Macedonia ken Gresia ti Tulagan ti Prespa, a nangibaga a ti pagilian ket nasken a baliwanna ti naganna iti Republika ti Amianan a Macedoniaerga omnes. Daytoy a pananginagan manen ket naikeddeng idi 12 Pebrero 2019 nga agraman kadagiti sumagmamano a bulan a transision para kadagiti pasaporte, dagiti plata ti lisensia, kurta, aduana, dagiti senias ti pagbeddengan, ken dagiti website ti gobierno inter alia.[9][10]