Ni Alexander Gahon Gesmundo (nayanak idi Nobiembre 6, 1956) ket agserbi a kas ti Pangulo ti Hustisia ti Filipinas manipud idi Abril 5, 2021. Sinukatanna ni Diosdado Peralta, a nasapa a nagretiro idi Marso 27, 2021.[1] Isu ket dati a nagserbi a kas maysa a Katakunaynay a Hustisia ti Kangatuan a Korte ti Filipinas manipud idi 2017 aginggana idi 2021.
Biograpia
Ni Gesmundo ket ti maikapat a pangulo ti hustisia nga indutok babaen ni Presidente Rodrigo Duterte[2] ken ti maikatlo nga Ateneano nga agtakem iti puesto ti nangato a tribunal.
Nagadal ni Hepe ti Hustisia Gesmundo iti Bachelor of Science iti Ekonomika iti Lyceum of the Philippines University kbayatan a naggun-od iti grado ti linteg manipud iti Unibersidad ti Ateneo de Manila idi 1984 ken nakapasa iti Bar ti Filipinas idi Abril 1985.[3]
Nangrugi isuna a nagtrabtrabaho a kas maysa nga abogado ti bista iti Opisina ti Solisitor Heneral (Office of the Solicitor General-OSG) idi 1985 ken nagunggunaan idi iti Kapatgan a Solisitor kalpasan ti tallo a tawen.[3]
Isu ket adda idi iti maikadua a pannakaidutok a kas komisioner ti Presidensial a Komision iti Nasayaat a Gobierno manipud idi Hulio 17, 1998 aginggana idi Pebrero 15, 2001.[3]
Idi Agosto 2002, naital-o isuna a kas katakunaynay a solisitor heneral. Nagtultuloy isuna a nagserbi iti iti OSG aginggana idi Oktubre 2005.[3]
Kalpasan dagiti 20 a tawen iti OSG, naidutok isuna kas maysa a katakunaynay a hustisia ti Sandiganbayan idi Oktubre 15, 2005, ken kalpasanna a kas maysa a mangipangulo ti maikapito a dibisionna ken kumadua a mangipangulo ti Committee on Rules.
Idi Agosto 14, 2017, nagbalin ni Gesmundo ti maika-178 a mahistrado ti Kangatuan a Korte, ken nagtakem iti puesto a binakante babaen ni Hustisia Jose C. Mendoza a nakaabot iti nasken a tawen iti panagretiro.[4]
Kas pangulo ti hustisia, naskento nga agretiro isuna intono Nobiembre 6, 2026.
Dagiti nagibasaran